मावळमध्ये खरंच भाजपचे पथक आले का? शहराध्यक्षांचे स्पष्टीकरण, म्हणाले…

मावळ लोकसभा मतदारसंघामध्ये उमेदवारीवरून झालेली दावेदारी, आरोप-प्रत्यारोपांमुळे भाजप, राष्ट्रवादी काँग्रेसचे पदाधिकारी मनापासून काम करतील की नाही, याची भीती महायुतीला सतावत आहे. त्यामुळेच महायुतीचे पदाधिकारी शिवसेनेचे उमेदवार श्रीरंग बारणे यांचे काम करत आहेत का, प्रचारात सक्रियपणे उतरलेत का, यावर लक्ष ठेवण्यासाठी आणि त्याची बारकाईने माहिती घेण्याकरिता सहा जणांचे खास पथक दिल्लीहून मावळ लोकसभा मतदारसंघात दाखल झाल्याचे बारणे यांच्या कार्यकर्त्यांकडून सांगण्यात आले. बारणे यांचे निकटवर्तीय असलेल्या भाजपमधील काही पदाधिकाऱ्यांनीही याला दुजोरा दिला.

आणखी वाचा

भाजप नेत्याच्या ‘दिवाळी मिलन’ सोहळ्याचे जोरगेवार, अहीर यांना निमंत्रण, मुनगंटीवारांना डावलले

Madhurima Raje : सतेज पाटील ज्यांच्यामुळे ढसाढसा रडले…

समान नागरी कायदा, ओबीसी आरक्षण; झारखंड विधानसभा निवडणुकीसाठी भाजपचा जाहीरनामा

हत्या करणे भाजपच्या डाव्या हाताचा खेळ; जितेंद्र आव्हाड यांची टीका

विजयाचे लक्ष्य, म्हणून बंडखोरी थंड करण्याचे भाजपचे प्रयत्न

शिराळ्यातील बंडोबाना थंड करण्यात भाजपला यश

बंडखोरी शमवण्यासाठी भाजपकडून प्रथमच चार्टर्ड विमानाचा वापर, आर्वीत विद्यमान आमदार घेणार माघार

पिंपरी : हेल्मेट नसल्यास अधिकारी, कर्मचाऱ्यांना महापालिकेत मज्जाव

हेही वाचा >>> मावळमधील ‘वंचित’च्या उमेदवाराला नोटीस; काय आहे कारण?

पथक आल्याचे सांगण्यात आल्याने भाजप, राष्ट्रवादी काँग्रेसच्या कार्यकर्त्यांमध्ये अस्वस्थता पसरली. आमच्यावर विश्वास नाही का, म्हणत पदाधिकारी खासगीत नाराजी व्यक्त करू लागले. यावरून महायुतीत पुन्हा खदखद वाढल्याचे दिसून येते. दिल्लीचे पथक आले आणि गेले या चर्चेने महायुतीत संभ्रम वाढल्याचे पाहायला मिळत आहे.

शंकर जगताप म्हणाले, की केंद्राचे कोणते पथक येणार असेल, तर राज्याला कळविले जाते. राज्याकडून जिल्ह्याच्या पदाधिकाऱ्यांना कळविले जाते. मावळमध्ये असे कोणतेही पथक आले नाही. याबाबत मी श्रीरंग बारणे यांना विचारेन. महायुतीचे पदाधिकारी एकजुटीने प्रचार करत आहेत. कोणतेही पथक आले नाही. प्रत्येक पक्ष मते मिळविण्यासाठी प्रयत्न करत असतो. मित्रपक्ष शिवसेनेचे वरिष्ठ नेते शहरात येत आहेत. प्रचाराची माहिती घेत आहेत. राष्ट्रवादीचे पदाधिकारी बारणे यांचे काम करत असल्याचे राष्ट्रवादीचे शहराध्यक्ष अजित गव्हाणे यांनी सांगितले.