suresh dwadashiwar achyut godbole pravin davane akhil bharatiya marathi sahitya sammelan 2022

संमेलन वर्ध्याला होत असल्याने गांधी-विनोबा विचारांशी नाळ असलेल्या साहित्यिकाची निवड केली जावी, अशी अपेक्षा साहित्य वर्तुळातून व्यक्त केली जात आहे.

अखिल भारतीय मराठी साहित्य संमेलन

पुणे : वर्धा येथे होणाऱ्या अखिल भारतीय मराठी साहित्य संमेलनाच्या अध्यक्षपदासाठी महाराष्ट्र साहित्य परिषदेने ज्येष्ठ पत्रकार-साहित्यिक सुरेश द्वादशीवार, प्रसिद्ध लेखक अच्युत गोडबोले आणि प्रसिद्ध कवी प्रवीण दवणे यांची नावे सुचविली आहेत.अखिल भारतीय मराठी साहित्य महामंडळाच्या वर्धापनदिनानिमित्त गोव्यातील फोंडा येथे शनिवारी (१५ ऑक्टोबर) होणाऱ्या बैठकीत आगामी संमेलनाध्यक्षाची एकमताने निवड होणार आहे. संमेलन वर्ध्याला होत असल्याने गांधी-विनोबा विचारांशी नाळ असलेल्या साहित्यिकाची निवड केली जावी, अशी अपेक्षा साहित्य वर्तुळातून व्यक्त केली जात आहे.

हेही वाचा >>> पुणे पोलीस मानसिकदृष्ट्या सक्षम

This quiz is AI-generated and for edutainment purposes only.

मराठवाडा साहित्य परिषदेने द्वादशीवार, यांच्यासह ‘बारोमास’कार सदानंद देशमुख आणि ज्येष्ठ साहित्यिक व निग्रो साहित्याचे अभ्यासक डॉ. जनार्दन वाघमारे ही तीन नावे अध्यक्षपदासाठी सुचविली आहेत. साहित्य महामंडळाच्या घटना दुरुस्ती नंतर गेल्या चार वर्षांपासून साहित्य संमेलनाच्या अध्यक्षपदासाठी निवडणूक टाळून एकमताने बिनविरोध निवड केली जात आहे. घटना दुरुस्ती झाल्यानंतर पहिल्या वर्षी हा बहुमान प्रसिद्ध कवयित्री डॉ. अरुणा ढेरे यांना मिळाला होता. त्यानंतर फादर फ्रान्सिस दिब्रिटो, ज्येष्ठ खगोलशास्त्रज्ञ व विज्ञान कथालेखक डॉ. जयंत नारळीकर या महाराष्ट्र साहित्य परिषदेने सुचविलेल्या नावांची अध्यक्षपदी निवड झाली होती. ज्येष्ठ कथालेखक भारत सासणे हे विद्यमान संमेलनाध्यक्ष आहेत.

First published on: 12-10-2022 at 17:18 IST

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Suresh dwadashiwar achyut godbole pravin davane akhil bharatiya marathi sahitya sammelan

साहित्य संमेलनाच्या अध्यक्षपदासाठी ‘मसाप’कडून द्वादशीवार, गोडबोले, दवणे यांची नावे