सिम्बायोसिस विद्यापीठ रुग्णालयातर्फे २२ गावांमध्ये टेलिमेडिसिन सेवा ; आयुष मंत्री सोनोवाल यांच्या हस्ते उद्घाटन

सिम्बायोसिस आंतरराष्ट्रीय विद्यापीठाच्या सेंटर फॉर इंटिग्रेटेड टेलिमेडिसिन सर्व्हिसेसच्या उद्घाटनानंतर विद्यापीठाकडून दत्तक घेण्यात आलेल्या २२ गावांमध्ये टेलिमेडिसिन सेवा पुरवली जाणार आहे. शनिवारी केंद्रीय आयुष मंत्री सर्बानंद सोनोवाल यांच्या हस्ते या सेवेचे उद्घाटन करण्यात आले. त्यामुळे ॲलोपॅथी, आयुर्वेद आणि होमिओपॅथी अशा सर्व वैद्यकीय शाखांतील तज्ज्ञांचे उपचार ग्रामीण भागातील रुग्णांना मिळणे शक्य होणार आहे.
सोनोवाल यांना टेलिमेडिसिन तज्ज्ञांद्वारे रुग्णांना प्रदान केलेल्या उपचारांचे थेट प्रात्यक्षिक या वेळी दाखवण्यात आले.