आयएएस, आयपीएस, खेळाडू होण्यापेक्षा पोलिस, शिक्षक होण्याकडे कल, ‘असर’च्या सर्वेक्षणातील निष्कर्ष

हेही वाचा >>> ‘एफटीआयआय’च्या आवारात बाबरी मशिदीबाबत वादग्रस्त फलक, विद्यार्थी संघटनांमध्ये बाचाबाची

अभियंता होण्याची इच्छा ६.३ टक्के मुलांना आहे. त्यात ९.६ टक्के मुलगे, तर ३.४ टक्के मुली आहेत. कोणतीही सरकारी नोकरी चालेल शी ४.६ टक्के मुले आहेत. त्यात ५.४ टक्के मुले आणि ३.९ टक्के मुली आहेत. प्रशासकीय सेवांमध्ये आयएएस आणि आयपीएस ही सनदी अधिकारी पदांचा विशेष महत्त्व आहे. मात्र केवळ २ टक्के मुलांना आयएएस, १.४ टक्के मुलांना आयपीएस होण्यात रस वाटत आहे.  १.९ टक्के मुले स्वत:चा किंवा कौटुंबिय व्यवसाय करणार आहेत, तर शेतीसंबंधित कामे १.४ टक्के मुले करणार आहेत. १.६ टक्के मुलांना खासगी नोकरी करण्याची इच्छा आहे. तर केवळ १.२ टक्के मुलांना खेळाडू व्हायचे आहे. एकीकडे काहीतरी होण्याची इच्छा असलेल्या विद्यार्थ्यांबरोबरच ‘काय करायचे हे माहीत नाही किंवा त्याबाबत विचार केलेला नाही’ अशा मुलांचे प्रमाण २१ टक्के आहे. त्यात १९.९ टक्के मुले, तर २२ टक्के मुली आहेत. त्याचबरोबर ‘काहीही काम करायचे नाही’ असा प्रतिसाद २.१ टक्के मुलांनी दिला आहे.