बाणेर रस्त्यावरील नॅशनल हाऊसिंग सोसायटीतील बंगल्यातून चोरट्यांनी अडीच लाखांचा ऐवज लांबविल्याची घटना उघडकीस आली. याबाबत संदीप विनायक बडमंजी (वय ४३, रा. आकाशवाणीसमोर, हडपसर) यांनी चतु:शृंगी पोलीस ठाण्यात फिर्याद दिली आहे. बाणेर रस्त्यावरील नॅशनल हाऊसिंग सोसायटीत चांदोरकर यांचा बंगला आहे. बडमंजी चांदोरकर यांच्याकडे कामाला आहेत.
हेही वाचा : पुणे : महापालिका निवडणुकीच्या पार्श्वभूमीवर आपची शुक्रवारी जाहीर सभा
This quiz is AI-generated and for edutainment purposes only.
चोरट्यांनी बंगल्याच्या मागील बाजुचा दरवाजा उचकटला. चोरटे बंगल्यात शिरले. शयनगृहातील कपाट उचकटून चोरट्यांनी रोकड आणि सोन्याचे दागिने असा अडीच लाख रुपयांचा ऐवज लांबविला. बंगल्यात चोरी झाल्याचे लक्षात आल्यानंतर पोलिसांकडे तक्रार देण्यात आली. पोलीस उपनिरीक्षक चाळके तपास करत आहेत.
