पुणे: बकरी ईदनिमित्त गोळीबार मैदान चौकातील वाहतूक व्यवस्थेत उद्या बदल

वाहतूक बदल पुढीलप्रमाणे-गोळीबार मैदान चाैकातून स्वारगेटकडे जाणारा मार्ग नमाज पठणाच्या वेळी बंद करण्यात येणार आहे. वाहनचालकांनी गोळीबार चौकातून डाव्या बाजूला वळून सीडीओ चौक येथून उजवीकडे वळून गिरीधर भवन चौकमार्गे उजवीकडे वळावे. ढोली पाटील चौकातून इच्छितस्थळी जावे. सीडीओ चौक ते गोळीबार मैदान चाैकाकडे येणारी वाहतूक सकाळी सहा ते अकरा या वेळेत पूर्णपणे बंद ठेवण्यात येणार आहे. लुल्लानगरकडून लष्कर भागातील खाण्या मारुती चौकाकडे जाणाऱ्या वाहनांनी खटाव बंगला चौक, नेपीयर रोड, मम्मादेवी चौक, बिशप स्कूलमार्गे वानवडी बाजार चौकाकडे जावे. गिरीधर भवन चौकातून लष्कर भागाकडे येणाऱ्या वाहनांनी ढोले पाटील चौकातून नेहरु रस्त्याने इच्छितस्थळी जावे.

हेही वाचा >>>सायकल बनवा, पारितोषिक जिंका! AICTEतर्फे भारत सायकल डिझाइन चॅलेंज

ढोले पाटील चौक ते गोळीबार मैदान चौक दरम्यानची वाहतूक बंद ठेवण्यात येणार आहे. वाहनचालकांनी सॅलसबरी पार्क, सीडीओ चौक, भैराबानाला चौकातून इच्छितस्थळी जावे. सोलापूर रस्त्याने मम्मादेवी चाैकातून गोळीबार मैदानाकडे जाणारी वाहतूक बंद ठेवण्यात येणार आहे. भैरोबानाला ते गोळीबार मैदानाकडे जाणारी वाहतूक भैरोबानाला येथून एम्प्रेस गार्डन आणि लुल्लानगरकडे वळविण्यात येणार आहे. कोंढवा भागातून गोळीबार मैदानाकडे जाण्यास जड वाहनांना मनाई करण्यात आली आहे. ट्रक, एसटी बस, पीएमपी बसने लुल्लानगर चौकातून भैरोबानाला किंवा गंगाधाम चौकातून इच्छितस्थळी जावे.