शिवाजीनगर न्यायालय परिसरातील कामगार पुतळा परिसरात मेट्रो मार्गावर लोखंडी ढाचा (गर्डर) टाकण्याचे काम हाती घेण्यात येणार आहे. रविवारपासून (१ जानेवारी) या भागातील वाहतूक पर्यायी मार्गाने वळविण्यात येणार असून मंगळवार पेठेतील शाहीर अमर शेख चौकाकडे जाणारी वाहतूक १९ जानेवारीपर्यंत बंद ठेवण्यात येणार आहे. हेही वाचा- कोरेगाव भीमा परिसरात कडक बंदोबस्त; ड्राेन कॅमेऱ्यांची नजर; ७० जणांना सोहळ्याच्या ठिकाणी येण्यास मनाई वाहनचालकांनी पर्यायी मार्गाचा वापर करावा, असे आवाहन वाहतूक शाखेचे पोलीस उपायुक्त विजयकुमार मगर यांनी केले आहे. शिवाजीनगर न्यायालयाकडून पुणे स्टेशनकडे जाणारी वाहने कामगार पुतळा येथील पुलावरुन मंगळवार पेठेतील शाहीर अमर शेख चौकाकडे जातात. या भागात मेट्रो मार्गिकेवर लोखंडी गर्डर टाकण्याचे काम रविवारपासून हाती घेण्यात येणार असून १९ जानेवारीपर्यंत हे काम सुरू राहणार आहे, असे पोलीस उपायुक्त मगर यांनी कळविले आहे. हेही वाचा- पुणे: राज्य बँकेत ३० वर्षांनंतर भरती प्रक्रिया; ८६ जणांना नेमणुकीची पत्रे वाहनचालकांनी कामगार पुतळा, शिवाजीनगर न्यायालय प्रवेशद्वार क्रमांक चार, छत्रपती शिवाजी महाराज पुतळा चौकातून इच्छितस्थळी जावे तसेच वेधशाळा चौकातून डावीकडून वळून अभियांत्रिकी महाविद्यालय चौक, प्रादेशिक परिवहन चौकमार्गे इच्छितस्थळी जावे.
