पुणे: “अजित पवारांनी आम्हाला न्याय मिळवून द्यावा,” वैष्णवीच्या आई- वडिलांना अश्रू अनावर, अटक करण्यात आलेल्या तिघांना २६ मे पर्यंत पोलीस कोठडी

वैष्णवी ला नेहमीच सासरच्या मंडळींनी जाच केला. वारंवार पैशांची मागणी तिचा पती आणि सासरचे मंडळी करत होते. प्रत्येक सणाला पैसे, सोन्याचे दागिने करावे लागायचे. वैष्णवीला पती शशांक मारहाण करायचा. असा आरोप वैष्णवीच्या आई वडिलांनी केला आहे. वैष्णवीच आणि शशांक चा प्रेम विवाह होता. त्याला आमचा विरोध होता. वैष्णवीला मुलांची दोन स्थळ देखील आली होती. त्या वेळी शशांक ने त्यांना फोन करून आमचं एकमेकांवर प्रेम आहे. अस सांगून तीच जुळणार लग्न मोडलं होत. अखेर दोघांचं लग्न लावून द्यावं लागलं.

लग्नात एक फॉर्च्युनर, ५१ तोळे सोने, ७ किलो चांदीची भांडी, एक दुचाकी दिले होते. या विवाहला अजित पवार हे देखील उपस्थित होते. त्यांच्या हस्ते फॉर्च्युनर गाडीची चावी शशांकला देण्यात आली होती. तेव्हा, अजित पवारांनी मिश्कीलपणे तू फॉर्च्युनर मागितली की ते देतायत अस विचारलं होत. अशी माहिती वैष्णवीचे वडील अनिल कस्पटे यांनी दिली आहे. आम्हला अजित पवारांनी न्याय मिळवून द्यावा. आमच्या लेकीची हत्या केली आहे. अजित पवारांच्या राज्यात लाडक्या बहिणी आहेत. ही देखील त्यांचीच बहीण होती. अस वैष्णवीची आई स्वाती कस्पटे सांगत असताना अश्रु अनावर झाले. वैष्णवी ला सासरचे व्यक्ती नेहमीच मारहाण करायचे असा गंभीर आरोप ही त्यांनी केला आहे. वैष्णवी च नऊ महिन्याचं बाळ आम्हाला सोपवावे अशी मागणी ही त्यांनी केली आहे. लवकरात लवकर फरार असलेल्या राजेंद्र हगवणे आणि मुलाला अटक करण्यात यावी अशी मागणी देखील त्यांनी केली आहे.

हुंड्यात आलेली फॉर्च्यूनर पोलिसांनी केली जप्त

हुंड्यामध्ये देण्यात आलेली फॉर्च्यूनर गाडी बावधन पोलिसांनी जप्त केली आहे. वैष्णवीच्या लग्नामध्ये शशांकला अजित पवारांच्या हस्ते या गाडीची चावी देण्यात आली होती. ती गाडी पिंपरी- चिंचवडच्या बावधान पोलिसांनी जप्त केली आहे.