वसंत मोरे यांची ‘राजनिष्ठा’, राज ठाकरेंच्या कार्यक्रमात तासभर उभे राहण्याची वेळ

हेही वाचा >>> महाराष्ट्रातील सर्वात प्रभावी नेतृत्व कोण? राज ठाकरेंनी बाळासाहेब ठाकरेंसह ‘या’ नेत्याचं घेतलं नाव, म्हणाले…

अभिनेते अशोक सराफ यांच्या पन्नास वर्षांच्या प्रदीर्घ कारकीर्दीचा गौरव करण्यासाठी अशोक पर्व, या कार्यक्रमाचे आयोजन करण्यात आले होते. कार्यक्रमाच्या समारोप सत्रात अशोक सराफ यांचा सत्कार राज ठाकरे यांच्या हस्ते करण्यात आले. कार्यक्रमाला मोठी गर्दी झाल्यामुळे नाट्यगृहात खचाखच भरले होते.

हेही वाचा >>> शरद पवार आणि देवेंद्र फडणवीसांचा एकाच गाडीतून प्रवास, राजकीय चर्चांना उधाण

या कार्यक्रमाला काहीसे उशीराने आलेले मनसे नेते वसंत मोरे यांनी मागे उभे राहून कार्यक्रमाचा आनंद घेणे पसंत केले. पण, मोरे मागे उभे राहिले आहेत, हे छायाचित्रकारांच्या नजरेतून सुटले नाही. कॅमेरे मागे वळताच सर्वांच्या नजरा वसंत मोरे यांच्यावर स्थिरावल्या. मात्र बसण्यासाठी जागा नसतानाही तासभर उभे राहून वसंत मोरे यांनी कार्यक्रमाला पूर्णवेळ हजेरी लावली.