Water places heavy rains Incidents wall collapse two places pune print news ysh 95

मुसळधारांमुळे शहरातील वेगवेगळ्या भागात २५ ठिकाणी पाणी शिरण्याच्या घटना घडल्या.

पुणे

September 12, 2022 15:36 IST

संग्रहित छायाचित्र

पुणे : मुसळधारांमुळे शहरातील वेगवेगळ्या भागात २५ ठिकाणी पाणी शिरण्याच्या घटना घडल्या. रविवारी सायंकाळी झालेल्या पावसामुळे दहा ठिकाणी झाडे पडली; तसेच दोन ठिकाणी भिंत कोसळण्याच्या घटना घडल्या. सुदैवाने या घटनेत जीवीतहानी झाली नाही. शहरात रविवारी (११ सप्टेंबर) सायंकाळी झालेल्या पावसामुळे पाणी शिरण्याच्या घटना घडल्या. आंबीलओढा परिसरातील वसाहतीत पाणी शिरले. हडपसर, आंबीलओढा वसाहत, चंदननगर भागात मोठ्या प्रमाणावर पाणी साठले होते. चंदननगर पोलीस ठाणे तसेच जंगली महाराज रस्त्यावरील बालगंधर्व पोलीस चौकीत गुडघाभर पाणी साठले होते. मध्यरात्रीपर्यंत अग्निशमन दलाचे जवान मदतकार्य करत होते.

हेही वाचा <<< Maharashtra News Live : दिवसभरातील सर्व महत्त्वाच्या घडामोडी एकाच क्लिकवर, जाणून घ्या प्रत्येक क्षणाचे अपडेट

हेही वाचा <<< अपुऱ्या सोयीसुविधांच्या निषेधार्थ पिंपरीत रहिवाशांचे आंदोलन

हडपसर गाडीतळ भागात एका घरात पाणी शिरले. घरातून तीन महिलांची सुटका करण्यात आली. घोरपडी गाव परिसरातील एका घरात पाणी शिरल्यानंतर पाण्यात अडकलेल्या ज्येष्ठ महिलेची सुटका करण्यात आली. मुसळधार पावसामुळे शहरात २५ ठिकाणी पाणी साठण्याची घटनांची नोंद करण्यात आल्याची माहिती अग्निशमन दलाच्या नियंत्रण कक्षाकडून देण्यात आली. मध्यरात्रीपर्यंत शहराच्या वेगवेगळ्या भागात २५ ठिकाणी झाडे पडली. सोमवारी सकाळी पाषाण रस्त्यावरील पंचवटी भागात एका मोटारीवर झाड कोसळले. जवानांनी वेगवेगळ्या भागात झाडे पडल्यानंतर मदतकार्य केले. झाडांच्या फांद्या बाजूला काढून रस्ते वाहतुकीस खुले करण्यात आले.

First published on: 12-09-2022 at 15:36 IST

मुसळधार पावसामुळे ठिकठिकाणी पाणी; दोन ठिकाणी भिंत कोसळण्याच्या घटना

मुसळधारांमुळे शहरातील वेगवेगळ्या भागात २५ ठिकाणी पाणी शिरण्याच्या घटना घडल्या.