लोकसत्ता प्रतिनिधी पुणे : धनकवडीत वैमनस्यातून तरुणावर कोयत्याने वार करण्यात आल्याची घटना घडली. याप्रकरणी तिघांविरुद्ध सहकारनगर पोलिसांनी गुन्हा दाखल केला. सागर भाऊशेठ सोनवणे (वय ३८, रा. नटराज सोसायटी, धनकवडी) असे जखमी झालेल्याचे नाव आहे. याप्रकरणी साई मंगेश नार्वेकर (वय २०), श्रृती मंगेश नार्वेकर (वय २२), मंजिरी मंगेश नार्वेकर (वय ५०, तिघे रा. नटराज सोसायटी, धनकवडी) यांच्याविरुद्ध गुन्हा दाखल करण्यात आला आहे. आणखी वाचा-मराठा समाजाच्या आंदोलनाचा धसका; माळेगाव सहकारी कारखान्याच्या कार्यक्रमापासून अजित पवार दूरच सोनवणे यांनी या संदर्भात सहकारनगर पोलीस ठाण्यात फिर्याद दिली आहे. सोनवणे आणि नार्वेकर कुटुंबीयांमध्ये वाद झाला होता. आरोपी मंगेश आणि परिसरातील रहिवासी वैभव डेरे यांचे भांडण झाले. भांडणात सोनवणे यांनी मध्यस्थी केली. त्या वेळी मंगेशने सोनवणे यांच्या डोक्यात कोयत्याने वार केला. त्यानंतर सोनवणे यांची पत्नी आणि बहिणीने भांडणे सोडविण्याचा प्रयत्न केला. तेव्हा आरोपी आरोपी श्रृती आणि तिची आई मंजिरी यांनी सोनवणे यांची पत्नी आणि बहिणीला मारहाण केली. पोलीस उपनिरीक्षक पोठरे तपास करत आहेत.