हिवाळ्यात आरोग्याची अधिक काळजी घ्यावी लागते. हिवाळ्यात तुम्हाला तुमच्या आहारात पोषणयुक्त पदार्थांचा समावेश करण्याचा सल्ला दिला जातो. ज्यामध्ये आवळ्याचा सुद्धा प्रामुख्याने समावेश असतो. हिवाळ्याच्या दिवसात आवळ्याचे सेवनदेखील फायदेशीर ठरू शकते. आवळा हे तुरट, आंबट चवीचे हिवाळ्यात येणारे अत्यंत औषधी फळ आहे. त्यातच ट्रेनमध्ये मिळणाऱ्या आवळ्याच्या गोळ्या लहान मुलांपासून ते मोठ्यांपर्यंत सगळ्यांच्या आवडीच्या आहेत. तर आज आपण 'आवळा गोळी' घरच्या घरी कशी बनवायची याची रेसिपी पाहू. कृती : आवळे - अर्धा किलो गूळ - पाव किलो जिरेपूड - अर्धा चमचा वेलचीपूड - चवीनुसार किंवा अर्धा चमचा मीठ - अर्धा चमचा काळ मिठ - अर्धा चमचा सुंठ पावडर - एक चमचा दालचिनी पावडर - अर्धा चमचा हेही वाचा…Orange Barfi: नागपूरची प्रसिद्ध संत्र्याची बर्फी; आता घरच्या घरी होईल झटपट तयार… नोट करा रेसिपी साहित्य : सगळ्यात पहिला आवळे स्वच्छ धुवून घ्या. कुकरमध्ये थोडं पाणी घाला आणि आवळे थोडे वाफवून घ्या. मिश्रण थोडं थंड झाल्यावर त्यातील बिया काढून टाका व छोटे छोटे तुकडे करून मिक्सरमध्ये बारीक करून त्याची पेस्ट करून घ्या. पॅनमध्ये आवळ्याची पेस्ट व बारीक केलेला गूळ घालून पाच मिनिटे परतून घ्यावी. हे मिश्रण सात ते आठ मिनिटे चांगले परतवून घ्या. मिश्रण एकजीव होत असताना त्यात जिरं, मीठ व वेलचीपूड, सुंठ पावडर, दालचिनी पावडर, काळ मिठ घालून मिक्स करून घ्या मिश्रण पॅनला चिकटणं बंद झालं की, गॅस बंद करावा. त्यानंतर हे मिश्रण एका प्लेटमध्ये काढून घेऊन थंड करण्यास ठेवा. नंतर एका छोट्या प्लेटमध्ये पिठीसाखर पसरवून घ्या व मिश्रण पूर्ण थंड झाल्यावर हाताला पिठी साखर लावून हव्या तश्या लहान मोठ्या आकाराच्या गोळ्या बनवून घ्याव्या. सर्व गोळ्या बनवून झाल्यानंतर पिठीसाखरेत त्या घोळवून घ्या व थोडा वेळ सुकण्यासाठी ठेवाव्यात. नंतर या गोळ्या हवाबंद डब्यात भरून ठेवा. अशाप्रकारे तुमच्या 'आवळा गोळी' तयार.
