वर्षभर टिकणाऱ्या रव्याच्या पौष्टिक कुरडया कशा बनवायच्या? वाचा, सोपी रेसिपी…

रव्याच्या कुरडया बनविण्यासाठी लागणारे साहित्य :

• १ किलो रवा
• कुरडईचा साचा
• मीठ चवीनुसार
• तेल आवश्यकतेनुसार
• पाणी आवश्यकतेनुसार

रव्याच्या करडया बनविण्याची कृती :

• सर्वांत आधी रवा किमान दोन वेळा पाण्यातून धुऊन घ्या.
• रवा धुतल्यानंतर त्यात दोन पट पाणी घालून तीन दिवस भिजत ठेवा. परंतु, भिजत ठेवताना त्यातील पाणी न चुकता दररोज बदलत राहा.
• तीन दिवसांनंतर त्यातील जास्तीचे पाणी काढून टाका. हे पाणी काढल्यानंतर जेवढा रवा आहे, तेवढे पाणी एका कढईत गरम करण्यासाठी ठेवा.
• पाणी गरम झाल्यावर त्यात मीठ टाकून, त्यात तीन दिवस भिजवलेला रवा घालून चमच्याने मिश्रण ढवळत राहा.
• त्यानंतर त्यावर १५ मिनिटांसाठी झाकण ठेवा.
• १५ मिनिटांनंतर चिक शिजला की नाही हे तपासून घ्या.
• चिक शिजला असेल, तर त्याची कुरडई पाडण्यासाठी एका स्वच्छ प्लास्टिकवर तेल लावून घ्या.
• तयार मिश्रण कुरडईच्या साच्यात भरून, प्लास्टिकवर कुरडई पाडून घ्या.
• कुरडई पाडून झाल्यावर त्या कडक उन्हात वाळवण्यासाठी ठेवा.
• तीन-चार तासांनी त्या दुसऱ्या बाजूने सुकण्यासाठी उलट्या करा.
• पुढील दोन ते तीन दिवसांसाठी कुरडई उन्हात सुकवून घ्या आणि डब्यात भरून ठेवा.
• अशा पद्धतीने रव्याच्या कुरडया तयार झाल्या आहेत.