उपवास असला कि साबुदाणा हा आलाच. अनेकांकडे साबुदाण्याची खिचडी होते; तर काही खमंग आणि कुरकुरीत वड्यांचा बेत करतात. मात्र अनेकजण वडे तेलकट असतात म्हणून ते खाण्यास नकार देतात. अशा वेळेस, उपवास नसताना तुम्हाला कधी साबुदाण्याचे वडे खायची इच्छा झाली तर, न तळता कसे बनवायचे ते पाहा. तसेच साबुदाण्याच्या वड्यांना प्रथिनयुक्त बनवण्यासाठी त्यामध्ये पनीरचा वापर कसा करायचा याची रेसिपी इन्स्टाग्रामवरील herhealthypalate नावाच्या अकाउंटने शेअर केली आहे. साबुदाण्याचे प्रोटीनयुक्त मिनी वडे रेसिपी : साहित्य साबुदाणापनीरबटाटाभाजलेले शेंगदाणेमिरच्याआलेकाळे मीठगरम मसालाजिरेकोथिंबीरतांदळाचे पीठतेल हेही वाचा : हडप्पा संस्कृतीमध्ये झाला का वांग्याच्या भाजीचा उदय? वाचा शेफ कुणाल कपूरने दिलेली माहिती…. कृती पूर्वतयारी - सर्वप्रथम वड्यांसाठी साबुदाणा स्वच्छ धुवून रात्रभर पाण्यात भिजवून ठेवावा. आता २ मध्यम आकाराचे बटाटे उकडून, सोलून घ्या. भाजलेल्या शेंगदाण्याचे कूट करून घ्या. वड्यांना सुरवात करू. प्रथम भिजवलेला साबुदाणा एका पातेल्यामध्ये काढून घ्यावा. त्यामध्ये उकडलेले बटाटे कुस्करून घाला. नंतर बारीक चिरलेल्या मिरच्या, जिरे, मीठ, गरम मसाला घालून घ्या. तसेच, शेंगदाण्याचे कूट, तांदळाचे पीठ घालून साबुदाण्याचे सर्व मिश्रण होता चांगले एकजीव करून घ्यावे. दुसऱ्या बाऊलमध्ये, ताजा पनीर कुस्करून घ्यावा. त्यामध्ये हिरव्या मिरच्या, काळे मीठ, जिरे आणि कोथिंबीर घालून घ्या. बाऊलमधील पनीरचे मिश्रण हाताने चांगले एकजीव करून घ्या. या मिश्रणाचे लहान गोळे तयार करा. आता साबुदाण्याच्या तयार केलेल्या मिश्रणाचे मध्यम आकाराचा चपटा गोळा बनवून घ्या. त्यामध्ये पनीरच्या गोळ्याचे मिश्रण भरून, साबुदाण्याचा गोळा बंद करून घ्या. आता एक आप्पे पात्राला अगदी थेंबभर तेल लावून पात्र गरम करून घ्या. त्यामध्ये आपण तयार केलेले साबुदाण्याचे मिनी वडे चांगले सोनेरी होईपर्यंत शिजवून घ्या. एक बाजू खरपूस सोनेरी झाल्यावर वड्याची दुसरी बाजूदेखील त्याच पद्धतीने खमंग करून घ्यावी. तयार झालेले प्रोटीनयुक्त मिनी साबुदाणा वडे चटणीबरोबर खाण्यास द्यावे. इन्स्टाग्राम या सोशल मीडियावर @herhealthypalate नावाच्या अकाउंटवरून ही भन्नाट रेसिपी शेअर झाली आहे. या रेसिपी व्हिडीओला आत्तापर्यंत ३.५ मिलियन्ट इतके व्ह्यूज मिळाले आहेत.
