scorecardresearch

Premium

तेलाचा वापर न करता, घरी बनवा ‘वडे अन् भजी’; आश्चर्य वाटतंय? आहारतज्ज्ञांनी सांगितलेल्या ‘या’ रेसिपी करून पाहा….

थंडगार वातावरणामध्ये, एक कप चहासोबत गरमागरम वडे किंवा भजी खावीशी वाटत असतील, तर अगदी बिनधास्त खा; पण त्यासाठी हे पदार्थ पदार्थ तेलात न तळता कसे बनवायचे ते पाहा.

make oil free pakoras at home
तेलाचा वापर न करता घरी बनवा चविष्ट भजी . [photo credit – Freepik]

हवेमध्ये जरा गारवा वाढला की, अगदी सहजपणे आपल्या मनामध्ये काहीतरी गरम खाण्याची इच्छा निर्माण होते. पण, कॉफी म्हणा किंवा चहा म्हणा एवढ्यावर आपलं मन काही भरत नाही. त्यासोबत जर नुकतेच तळून काढलेले गरम बटाटेवडे, भजी आणि सोबत कोथिंबीर-पुदिन्याची मस्त हिरवी चटणी असेल तर अहाहा… नुसता विचार केला तरीही आपल्या तोंडाला पाणी सुटतं नाही का? पण या सगळ्या विचारांपाठोपाठ तेलकट पदार्थ खाल्ल्यानं आपण अनावश्यक कॅलरीज खाणार आहोत याबद्दलदेखील एक अपराधी भावना मनात डोकावते.

परंतु, जास्त घाबरू नका. कारण- प्रत्येक प्रश्नावर जसं उत्तर असतं, तसा या समस्येवरदेखील उपाय आहे. सध्या आरोग्याची काळजी घेण्याच्या दृष्टीने या भजी, वडे, पॅटिस किंवा इतर तळणीचे पदार्थ बिनातेलाचे बनवता येऊ शकतात हे बऱ्याच रेसिपीजवरून आपल्या लक्षात येऊ लागले असेल. तेव्हा आता आपण येथे समजून घेऊ की, असे पदार्थ कढईभर तेलात सोडण्याऐवजी ते बेक केले जातात किंवा ‘एअर फ्राय’ करून खाल्ले जाऊ शकतात. या तळणीच्या पदार्थांना थोडे आरोग्यदायी बनवायचे असेल, तर त्यासाठी तुम्ही पालेभाज्यांचाही वापर करू शकता.

Watching TV While Eating
जेवताना टीव्ही पाहता का? लगेच थांबवा; तज्ज्ञांनी सांगितलेले दुष्परिणाम जाणून घ्या
Bad breath after brushing
ब्रश केल्यानंतर सुद्धा तोंडाचा वास येतोय? हे खास टिप्स वापरून पाहा, दुर्गंध होईल गायब
Exercising 150 mins week to prevent heart attacks Study says it may not be enough if you have sugary health drinks
दर आठवड्याला व्यायाम करता? पण साखरयुक्त पेय घेऊन सर्व मेहनत वाया घालवता; संशोधनाबाबत काय सांगतात डॉक्टर….
green tea benefits and myths by nutritionist
ग्रीन टी पिण्याने वजन अन् चरबी कमी होत नाही? नेमके काय म्हणतात आहारतज्ज्ञ जाणून घ्या..

आता थंडीच्या दिवसांत तुम्हाला काही चटपटीत आणि तळणीचे पदार्थ खावेसे वाटले, तर त्यासाठी पुढील पर्यायी रेसिपींचा वापर करून पाहा. बेक आणि एअर फ्राय केलेल्या या पदार्थांमध्ये पारंपरिक तळलेल्या पदार्थांपेक्षा कमी कॅलरीज असतात. त्यामुळे असे पदार्थ तुम्ही कोणत्याही प्रकारची अपराधीपणाची भावना मनात न आणता बिनधास्त खाऊ शकता.

हेही वाचा : Kitchen Tips : यापुढे डोसे, घावण तव्याला अजिबात चिकटणार नाही; ‘हा’ पदार्थ घेईल त्याची काळजी, पाहा ही सोपी ट्रिक

हिंदुस्थान टाइम्स डिजिटलसोबतच्या एका मुलाखतीमध्ये, बेंगळुरू येथील ‘क्लाउड नाईन’मधील मुख्य क्लिनिक आहारतज्ज्ञ अभिलाषा व्ही. यांनी, या तेलाचा वापर न करता बनवता येऊ शकणाऱ्या चार पदार्थांच्या रेसिपीज सांगितल्या आहेत. या रेसिपीजचा उपयोग करून तुम्ही आरोग्याची काळजी घेत, हे पदार्थ खाऊ शकता. मग काय आहेत या रेसिपी ते पाहू.

बिनातेलातील भजी आणि वडे रेसिपी

१. फुलकोबी [फ्लॉवर] भजी

साहित्य

१ कप फुलकोबीचे तुकडे
१ कप बेसन/ चण्याच्या डाळीचे पीठ
हळद
तिखट
मीठ
पाणी

कृती

एका बाऊलमध्ये बेसन, हळद, तिखट, मीठ एकत्र करून, त्यामध्ये आवश्यकतेनुसार पाणी घालत भजीसाठी योग्य असे मिश्रण बनवावे.
त्यामध्ये फुलकोबीचे तुकडे व्यवस्थित घोळवून एका बेकिंग शीटवर ठेवा.
२० ते २५ मिनिटांसाठी २०० अंश डिग्रीवर ही भाजी बेक करून हिरव्या चटणीसोबत खावी.

२. रताळे आणि पालकाची भजी

साहित्य

१ कप किसलेले रताळे
१ कप बारीक चिरलेला पालक
बेसन पीठ
गरम मसाला
मीठ
पाणी

कृती

एका बाउऊलमध्ये रताळे, पालक, बेसन, गरम मसाला आणि चवीनुसार मीठ घालून घ्यावे.
त्यामध्ये आवश्यकतेनुसार पाणी घालून मिश्रण तयार करावे.
एक एक चमचा मिश्रण बेकिंग ट्रेवर घालून घेऊन, १९० अंश डिग्रीवर बेक करून घ्या.
तयार आहे रताळे आणि पालकाची भजी.

हेही वाचा : रस्समने दात आंबले? पाहा, साऊथ इंडियन रस्सम बनवताना या पाच टिप्स ठरतील उपयोगी

३. झुकिनी आणि मक्याची भजी

साहित्य

१ कप किसलेली झुकिनी
१/२ कप मक्याचे दाणे
बेसन पीठ
जिरे पूड
मीठ
पाणी

कृती

किसलेली झुकिनी, मक्याचे दाणे, बेसन, जिरे पूड, मीठ हे सर्व पदार्थ एका बाउलमध्ये घ्यावे.
त्यामध्ये गरजेनुसार पाणी घालून भजीचे मिश्रण तयार करून घ्या.
हे मिश्रण बेकिंग ट्रेवर घालून १९० अंश डिग्रीवर १५ ते २० मिनिटांसाठी बेक करून घ्या.

४. कांदा आणि पुदिन्याची भजी

साहित्य

१ कप उभा बारीक चिरलेला कांदा
१/२ कप बारीक चिरलेली पुदिन्याची पाने
बेसन पीठ
बडीशेप
मीठ
पाणी

कृती

एका बाऊलमध्ये कांदा, पुदिना, बडीशेप, मीठ हे पदार्थ एकत्र करावे.
त्यामध्ये आवश्यक असेल तसे पाणी घालून भजीसाठी मिश्रण बनवून घ्या.
भज्यांचे तयार मिश्रण १९० अंश डिग्रीवर बेक करून घ्या.
तयार आहेत कांदा व पुदिन्याची बिनातेलाची भजी.

तेव्हा या अतिशय सोप्या आणि उपयुक्त अशा रेसिपीजचा वापर करून तुमची आवडती भजी आणि वडे तेलाचा अजिबात वापर न करता थोड्या वेगळ्या पद्धतीने एकदा नक्की बनवून पाहा. त्यामुळे तेलकट खाल्ल्यामुळे होणारा त्रासही होणार नाही.

Latest Comment
View All Comments
Post Comment

मराठीतील सर्व रेसिपी बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Make this 4 delicious oil free pakora recipe for winter season at home try this simple and easy recipe dha

First published on: 06-12-2023 at 14:47 IST

संबंधित बातम्या

तुम्ही या बातम्या वाचल्या आहेत का? ×