scorecardresearch

Premium

मैदा, गव्हाच्या पिठापासून घरच्या घरी तयार करा ‘ग्लास चाट’! ‘हा’ बघा रेसिपीचा सोपा Video

एक अनोखी चाट रेसिपी ; जी तुम्ही घरच्या घरी बनवून पाहू शकता

Prepare maida and wheat flour Glass Chaat at home try ones Watch this simple video of the recipe
(सौजन्य:इन्स्टाग्राम/chef_modeon) मैदा, गव्हाच्या पिठापासून घरच्या घरी तयार करा 'ग्लास चाट'! नोट करा रेसिपी….

ऑफिस, शाळा, कॉलेजमधून घरी जाताना अनेकदा काहीतरी चटपटीत खाण्याची इच्छा होते. पाणीपुरी, शेवपुरी, दही चाट, भेळ, रगडा पॅटिस आदी चाटचा कोणताही प्रकार समोर ठेवला तरी तो खाण्याची इच्छा प्रत्येकाला होते. तर आज एका युजरने एक अनोखी चाट रेसिपी सांगितली आहे; जी तुम्ही घरच्या घरी बनवून पाहू शकता आणि चाट खाण्याचा आनंद लुटू शकता. या रेसिपीचे नाव आहे ‘ग्लास चाट’.

ग्लास चाट बनवण्यासाठी लागणारे साहित्य आणि कृती :

Photographers hair burning wedding video viral on social media s
स्टंटबाजी करणं भोवलं! फोटोग्राफरच्या केसांना आग; लग्नातील थरारक VIDEO व्हायरल
student played with bench to hold the rythm on the harmonium played by teacher
Video : शिक्षकाच्या हार्मोनियमवर ठेका धरण्यासाठी विद्यार्थ्याने वाजवला बेंच, गुरू शिष्याच्या जुगलबंदीचा व्हिडीओ एकदा पाहाच
man kissed baby alligator viral video
तरुणाने चक्क मगरीच्या पिल्लाला Kiss केले आणि…; व्हिडीओ पाहून नेटकरी म्हणाले, “मूर्खासारखे…”
youth faked his own kidnapping
वसई : कर्जवसुलीसाठी एजंटच्या धमक्या, कंटाळून तरुणाने रचला स्वत:च्या अपहरणाचा बनाव

साहित्य :

  • एक कप मैदा
  • एक कप गव्हाचे पीठ
  • तीन उकडलेले बटाटे
  • दही
  • रगडा (पांढरे वाटाणे, हळद, लसूण पाकळ्या व मीठ घालून उकळवा आणि रगडा तयार करा)
  • चिंचेची चटणी
  • हिरवी चटणी
  • बारीक चिरून घेतलेली कोथिंबीर आणि कांदा
  • तेल
  • चवीनुसार मीठ

व्हिडीओ नक्की बघा :

कृती :

  • सगळ्यात पहिला मैदा आणि गव्हाच्या पिठाची एक गोल पोळी लाटून घ्या. त्यानंतर तिला सुरीने मधोमध कापून घ्या.
  • पोळीचा अर्धा भाग स्टीलच्या ग्लासवर गुंडाळून घ्या. त्यामुळे तळून झाल्यावर त्याला ग्लासचा आकार येईल. (टीप- ग्लास वापरण्यापूर्वी ग्लास तेलाने ग्रीस करा; अन्यथा तळल्यानंतर तो बाहेर काढता येणार नाही. तसेच पिठाच्या कडेला थोडे पाणी लावून घ्या; नाही तर तळताना त्या तुटतील.)
  • त्यानंतर काटा-चमच्याच्या साह्याने पिठावर छिद्रे करून घ्या आणि कढईत गरम तेलात सोडा.
  • तेलात सोडल्यानंतर ग्लास बाहेर काढा आणि तुम्हाला मैदा व गव्हाच्या पिठाचा एक ग्लास तयार झालेला तुम्हाला दिसेल.
  • तर या ग्लास चाटच्या आतमध्ये उकडलेला बटाटा, रगडा, दही, चिंचेची व हिरवी चटणी आणि वरून चिरलेला बारीक कांदा घालून घ्या.
  • अशा प्रकारे तुमचा ‘ग्लास चाट’ तयार. सोशल मीडियावर या रेसिपीचा व्हिडीओ @chefmodeon यांच्या इन्स्टाग्राम अकाउंटवरून शेअर करण्यात आला आहे. युजरचे नाव मेघना कडू असे आहे.

Latest Comment
View All Comments
Post Comment

मराठीतील सर्व रेसिपी बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Prepare maida and wheat flour glass chaat at home try ones watch this simple video of the recipe asp

First published on: 29-11-2023 at 15:28 IST

संबंधित बातम्या

तुम्ही या बातम्या वाचल्या आहेत का? ×