सुटीच्या दिवशी विशेष काही पदार्थ बनवायचा असेल, तर खासकरून आपण बटाट्याचे किंवा कोणत्याही प्रकारचे पराठे बनवणे पसंत करतो. कारण- एक तर ते बनवायला सोपे असतात आणि त्यांची चवही मस्त असते; शिवाय हे पराठे भाज्यांचा वापर करून बनवल्यामुळे आरोग्याच्या दृष्टीनेही चांगले असतात. परंतु, नेहमी बनवणाऱ्या बटाटा, कोबी किंवा पालक पराठ्यांऐवजी तुम्ही हा भन्नाट आणि जरा वेगळा असा ‘पिझ्झा पराठा’ बनवून पाहा.

ऐकायला कठीण वाटत असला तरीही करायला तो तितकाच सोपा आहे. या पराठ्यात पिझ्झावर घातले जाणारे पदार्थ घालून, मैद्याऐवजी गव्हाच्या पिठाचा वापर करता येतो. एकदम आगळ्यावेगळ्या फ्युजन पिझ्झा पराठ्याची ही रेसिपी @its_shreyajoshi या हँडलने इन्स्टाग्राम या सोशल मीडियावरून शेअर केली आहे. झटपट तयार होणाऱ्या या पराठ्याची किंवा पिझ्झाची रेसिपी काय आहे ते आपण पाहू.

How Much Rice & Roti You Should Eat In a Day
एका वेळच्या जेवणात भात व पोळ्यांचे आदर्श प्रमाण किती हवे? ताटात कुठल्या गोष्टी किती टक्के हव्यात? तज्ज्ञांनी दिलं सूत्र
These five nutritious foods will give you super energy
अनहेल्दी सोडा; हेल्दी खा! सकाळी नाश्त्यात ‘हे’ पाच पौष्टिक पदार्थ देतील तुम्हाला सुपर एनर्जी
Breakfast Recipe
Marathwada Sushila Recipe : नाश्त्यात बनवा मराठवाड्याचा लोकप्रिय पदार्थ ‘सुशीला’, चुरमुऱ्यांपासून झटपट होणारी रेसिपी लगेच नोट करा
mushrooms converted to vitamin D2 upon exposure to UV light from the sun before consuming them Read what Expert Said
खाण्यापूर्वी एक ते दोन तास ठेवा मशरूमला सूर्यप्रकाशात; व्हिटॅमिन डीची कमतरता राहील दूर? तज्ज्ञांनी सांगितलेलं सूत्र समजून घ्या
drinking tea or coffee before or after meals may suggests ideal amount of caffeine to be consumed daily for proper digestion
तुम्हीसुद्धा ‘या’ वेळेत चहा-कॉफीचे सेवन करता का? थांबा! तज्ज्ञांकडून फायदे, तोटे नक्की जाणून घ्या
Digestion Reduce Bad Breathe How To make Mouth Smell Fresh
१ चमचा बडीशेपमध्ये ‘हे’ दोन पदार्थ घालून तोंडाची दुर्गंधी ते अपचन दोन्ही त्रास करा दूर; फायदे वाचून लगेच बनवाल हे मिश्रण
Should you ditch other flours and only have almond flour
मैदा किंवा गव्हाच्या पिठाऐवजी फक्त बदामाचे पीठ वापरावे का? तज्ज्ञांकडून जाणून घ्या त्याचे फायदे
Nachni papad recipe
उडीद आणि तांदळाचे नाही, यंदा बनवा उन्हाळा स्पेशल ‘नाचणीचे पापड’; लिहून घ्या साहित्य आणि कृती

पिझ्झा पराठा

साहित्य

गव्हाचे पीठ
कांदा
टोमॅटो
सिमला मिरची
मक्याचे दाणे
मीठ
मिरपूड
चिली फ्लेक्स
ओरिगॅनो
पिझ्झा पास्ता सॉस
मेयोनीज किंवा कोणतेही उपलब्ध असणारे चीज

हेही वाचा : Recipe : बटाट्यापासून बनवा स्वादिष्ट नाश्ता; लहानांपासून मोठ्यांपर्यंत सगळ्यांना आवडेल पाहा…

कृती

एका मोठ्या बाउलमध्ये कांदा, टोमॅटो, सिमला मिरची (सर्व बारीक चिरलेले), उकडलेले मक्याचे दाणे घालून घेऊन, त्यामध्ये मीठ, मिरपूड, चिली फ्लेक्स, ओरिगॅनो हे सर्व घालून सगळे पदार्थ नीट मिसळून घ्या. आता त्या मिश्रणात मेयोनीज आणि पिझ्झा पास्ता सॉस घालून घेऊन, पुन्हा एकदा सर्व मिश्रण व्यवस्थित ढवळून घ्या.

दुसऱ्या एक बाउलमध्ये गव्हाचे पीठ नेहमीप्रमाणे मळून घ्या. आता कणकेचा एक गोळा घेऊन, त्याची मोठी पोळी लाटून घ्या. पोळी थोडी जाड ठेवावी.

आता या लाटलेल्या पोळीत तयार भाज्यांचे मिश्रण एका कोपऱ्यात घालून घेऊन, त्यावर चीज किसून घेऊन पोळीचा उरलेला भाग, भाजी ठेवलेल्या भागावर ठेवून पोळी बंद करून घ्या. आता याला कारंजीसारखा आकार येईल. पोळीच्या कोपऱ्यावर काट्या-चमच्याने थोडी नक्षी करून घ्या.

एका तव्यावर बटर किंवा तेल टाकून पराठ्याच्या दोन्ही बाजू व्यवस्थित भाजून घ्या. तव्यावर भाजल्याने, पराठ्याच्या आत टाकलेले चीज वितळून गेले असेल. त्यामुळे हा पराठा बाहेर मिळणाऱ्या एखाद्या पिझ्झासारखा दिसतो.

आता तुम्ही तयार पराठा ताटलीत काढून घेऊन, सॉस किंवा हिरव्या चटणीसोबत खा.