व्यक्तिवेध: समीर शाह

हे शाह कुटुंब मूळचे औरंगाबादचे. १९६० साली- म्हणजे समीर शाह ११ वर्षांचे असताना आईवडिलांसह ते इंग्लंडला गेले आणि तिथेच स्थायिक झाले. त्यांचे उच्च शिक्षण ऑक्सफर्ड विद्यापीठात झाले. त्यांनी बीबीसीमध्ये चालू घडामोडी आणि राजकीय कार्यक्रम विभागाचे प्रमुख म्हणून काम केले आहे. त्याशिवाय २००७ ते २०२० या काळात ते बीबीसीचे अ-कार्यकारी संचालक होते. त्याआधी ज्युनिपर या स्वतंत्र टेलिव्हिजन आणि रेडिओ निर्मिती कंपनीचे ते मालक आणि प्रमुख कार्यकारी अधिकारी आणि त्याहीआधी- १९७९ पासून ‘लंडन वीकएन्ड टेलिव्हिजन’ या कंपनीत संशोधन प्रमुख असा चित्रवाणी कार्यक्रम-निर्मिती आणि माध्यम क्षेत्राचा ४० वर्षांचा प्रदीर्घ अनुभव त्यांच्याकडे आहे. चित्रवाणी क्षेत्रातील कामगिरीसाठी त्यांना २०१९ मध्ये इंग्लंडच्या राणी एलिझाबेथ यांनी ‘सीबीई’(कमांडर ऑफ द मोस्ट एक्सलंट ऑर्डर ऑफ द ब्रिटिश एम्पायर) हा किताब बहाल केला होता.

आणखी वाचा

‘सेबी’च्या अध्यक्षा माधवी पुरी बुच यांना संसदेच्या लोकलेखा समितीचे समन्स; हिंडेनबर्गच्या आरोपांची चौकशी होणार?

Bigg Boss Marathi 5: सर्व एलिमिनेटेड सदस्यांची घरात…

प्रकल्प कंत्राटदार आधीच ठरतो मग, कंत्राट काढले जाते; राष्ट्रवादी (शरद पवार गट) चे नेते जितेंद्र आव्हाड यांचा आरोप

नवी मुंबई : नैना क्षेत्रातील २५०० कोटी रुपयांच्या कामाचे पंतप्रधानांच्या हस्ते ऑनलाईन भूमिपूजन

सरकारी बँकांत ३२ टक्के संचालकांच्या जागा नियुक्तीविना, कर्मचारी,अधिकाऱ्यांच्या प्रतिनिधींच्या सर्व २४ जागा दशकभरापासून रिक्त

‘आश्वासित प्रगती’चे आश्वासनच? राहुल नार्वेकर यांना हाफकिनचा विसर पडल्याची कामगारांची खंत

विश्लेषण: बार्टी, सारथी, महाज्योतीच्या समान धोरणावरून वाद का चिघळला?

राज्य सरकारचे धोरण उद्योगांना मारक! आदित्य ठाकरे यांचे टीकास्त्र

ते वांशिक संघर्ष या विषयातील तज्ज्ञ मानले जातात. त्यामुळे २०२२ मध्ये, इंग्लंडमध्येच लीसेस्टर शहरात भारत-पाकिस्तान क्रिकेट ट्वेंटी-२० सामन्यानंतर उसळलेल्या हिंदू-मुस्लिम दंगलीचा आढावा घेण्यासाठी सरकारने स्थापन केलेल्या तीन सदस्यांच्या समितीत त्यांचाही समावेश होता. त्याआधी २०२१ मधील वांशिक भिन्नता आयोगाच्या अहवालासाठी त्यांनी काम केले होते.

बीबीसी ही ब्रिटनची सार्वजनिक माध्यम कंपनी असल्यामुळे, तिला कामकाजाची वा कार्यक्रमांच्या बाबतीत स्वायत्तता असली तरी तिच्या प्रमुखांची निवड सरकारकडूनच जाहीर केली जाते. शाह यांची निवडही ब्रिटनच्या सांस्कृतिक कार्यमंत्री ल्यूसी फ्रेझर यांनी जाहीर केली. प्रत्यक्ष नियुक्तीपूर्वी ब्रिटिश लोकप्रतिनिधिगृहाच्या (हाऊस ऑफ कॉमन्स) माध्यम, क्रीडा व सांस्कृतिक कार्यविषयक चयन समितीच्या सर्वपक्षीय सदस्यांकडून प्रथेप्रमाणे डॉ. शाह यांची मुलाखत घेतली जाईल. मात्र ‘माझ्या कौशल्याने, अनुभवाने मी या संस्थेला आगामी आव्हानांसाठी तयार करू शकलो तर माझ्यासाठी सन्मानाची गोष्ट असेल’ अशी प्रतिक्रिया जगभरच्या प्रसारमाध्यमांना देऊन डॉ. शाह यांनीही, नियुक्तीचा उपचारच बाकी असल्याचे सूचित केले आहे.