व्यक्तिवेध : रविचंद्रन अश्विन | ravichandran ashwin profile ravichandran ashwin personality zws 70

अनेकदा संघाबाहेर राहूनही अश्विन खचला नाही आणि फिरकी चिंतनालाही त्याने कधी अंतर दिले नाही. त्याच्या यशस्वी आणि प्रदीर्घ कारकीर्दीचे हेही एक कारण.

रविचंद्रन अश्विन

दक्षिणेतील अनेक क्रिकेटपटूंप्रमाणेच रविचंद्रन अश्विन हा खेळाकडे वळला नसता, तर अभियंता बनला असता! सरळमार्गाचे संस्कार आणि अभ्यासू वृत्ती या गुणद्वयीचा एक दुष्परिणामही असतो. अशा मंडळींमधून प्रतिस्पर्ध्याला ‘भिडणारे’ क्रिकेटपटू अभावानेच निर्माण होतात, असे बोलले जाते. मात्र अश्विन हा अभ्यासू क्रिकेटपटू, उत्तम फिरकीपटू असला, तरी त्याच्या वृत्तीत वेगवान गोलंदाजाचा आक्रमकपणा ठासून भरलेला आहे. ‘भिडण्या’च्या बाबतीत बोलायचे, तर त्याने एका दौऱ्यात साक्षात ऑस्ट्रेलियनांना त्यांचेच पाणी पाजून दाखवले होते. समाजमाध्यमांवरून प्रकट होणाऱ्या मोजक्या(च) विचारी क्रिकेटपटूंमध्ये त्याचे स्थान वरचे. स्वत:वर अनेकदा झालेल्या अन्यायाकडे दयाबुद्धी आणि विनोदबुद्धीच्या नजरेतून पाहणाऱ्या परिपक्व खेळाडूंमध्ये त्याचे स्थान बहुधा सर्वांत वरचे.

हेही वाचा >>> संविधानभान : देशाचा प्राणवायू!

आणखी वाचा

शनी-सूर्य निर्माण करणार षडाष्टक योग; ‘या’ दोन राशीच्या व्यक्तींच्या आयुष्यात येणार संकटांचं वादळ होणार आर्थिक नुकसान

aarya jadhao missing in Bigg boss marathi reunion

Bigg Boss Marathi 5: सर्व एलिमिनेटेड सदस्यांची घरात…

Bengaluru Mahalaxmi Murder Updates in Marathi

Mahalakshmi Murder Case : “महालक्ष्मीवर प्रेम होतं, पण तिने मला…”, बॉयफ्रेंडच्या सुसाइड नोटमध्ये काय लिहिलंय?

Sarsanghchalak Mohan Bhagwat appeal to the bjp new generation regarding Pt DeenDayal Upadhyay

भाजपच्या आजच्या पिढीने दीनदयाळजींचे गुण अंगीकारावेत; सरसंघचालक मोहन भागवत यांचे आवाहन

Badlapur Sexual Assualt : “पीडितेच्या पालकांवर दबाव टाकण्याचा प्रयत्न”, असीम सरोदेंचा मोठा दावा

Counselling Different behaviors by mother with two sisters

समुपदेशन : आईकडून बहिणींमध्ये दुजाभाव?

EY Employee Death : “मॅनेजर क्रिकेटच्या सामन्यानुसार कामाचं वेळापत्रक बदलायचे, म्हणून…”, ॲनाच्या वडिलांचा गंभीर आरोप

9-year-old man dies from choking on idlis during Onam celebrations

इडली खाताना श्वास गुदमरून ४९ वर्षीय व्यक्तीचा मृत्यू; तुमच्यासमोर एखाद्याचा घास अडकल्यास काय करावे, तज्ज्ञांकडून जाणून घ्या..

अश्विनने नुकताच कसोटी क्रिकेटमध्ये ५०० बळींचा टप्पा ओलांडला. असा पराक्रम करणारा तो जगात नववा आणि दुसराच भारतीय गोलंदाज. भारताला उत्तम फिरकी गोलंदाजांची परंपरा आहे. या पार्श्वभूमीवर भारतीय संघात स्थान मिळवणे, ते टिकवणे अधिकच आव्हानात्मक ठरते. ऑफस्पिनर अश्विनने या प्रत्येक टप्प्यावर हुन्नर दाखवले. पारंपरिक ऑफस्पिनच्या जोडीला अनेक प्रयोग करण्याची हिंमत दाखवली. त्याबद्दल त्याच्यावर अनेकदा टीकाही झाली. परंतु अभ्यासू अश्विनने या टीकेचा फार विचार केला नाही. त्याचा ५००वा बळी परवा राजकोटमध्ये इंग्लंडविरुद्ध नोंदवला गेला. आता रांचीमध्ये सामना जिंकून भारतीय संघाने मायदेशात सलग १७वा कसोटी मालिका विजय नोंदवला. ही विजय मालिका २०१२नंतर अव्याहत सुरू आहे. अश्विनने २०११मध्ये कसोटी पदार्पण केले. त्यामुळे या विजयगाथेचा अश्विन केवळ साक्षीदार नव्हे, तर शिल्पकारही ठरतो. कसोटी पदार्पणापूर्वीच अश्विनने आयपीएलमध्ये चमक दाखविली होती. चेन्नई सुपरकिंग्जकडे त्यावेळी मुथय्या मुरलीधरनसारखा निष्णात गोलंदाज होता. तो नवा चेंडू वापरण्याविषयी उत्सुक नव्हता. त्यामुळे ती जबाबदारी युवा अश्विनवर सोपवण्यात आली. त्या संधीचे अश्विनने सोने केले. तो काळ अनिल कुंबळेच्या निवृत्तीचा आणि हरभजन सिंगच्या उतरणीचा होता. या दोहोंपश्चात भारतीय फिरकी गोलंदाजीची धुरा बराच काळ अश्विनने सांभाळली. मर्यादित षटकांच्या क्रिकेटमध्ये चमक दाखवणारा अश्विन पुढे कसोटी क्रिकेटमध्ये रुळला. निव्वळ गोलंदाजी न करता, बऱ्यापैकी उपयुक्त फलंदाजी करणारा अश्विन ५०० बळी आणि ५ कसोटी शतके नोंदवणाऱ्या दुर्मिळातील दुर्मीळ क्रिकेटपटूंपैकी एक. अनेकदा संघाबाहेर राहूनही अश्विन खचला नाही आणि फिरकी चिंतनालाही त्याने कधी अंतर दिले नाही. त्याच्या यशस्वी आणि प्रदीर्घ कारकीर्दीचे हेही एक कारण.

First published on: 28-02-2024 at 04:13 IST

मराठीतील सर्व स्तंभ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ravichandran ashwin profile ravichandran ashwin personality zws