5G On APPLE iPhone In India : iPhone यूजर्ससाठी एक आनंदाची बातमी आहे. अ‌ॅपलने भारतातील निवडक आयफोन वापरकर्त्यांसाठी बीटा अपडेट आणणे सुरू केले आहे. याद्वारे आयफोन वापरकर्ते रिलायन्स जीओ आणि एअरटेलचे ५ जी नेटवर्क वापरू शकतील. नवीन अपडेट iOS16 बीटा अपडेट म्हणून आणले आहे. हे नवीन अपडेट अ‌ॅपलच्या बीटा सॉफ्टवेअर प्रोग्राम अंतर्गत उपलब्ध केले आहे.
५ जी सुसंगततेच्या विस्तृत रोल आउटसाठी, अ‌ॅपलने गेल्या महिन्यात पुष्टी केली की, ते या वर्षी डिसेंबरमध्ये ५ जी सॉफ्टवेअर अपडेट आणणार आहे. ऑक्टोबरमध्ये अ‌ॅपलने एका निवेदनात म्हटले होते की, “आम्ही आमच्या आयफोन वापरकर्त्यांना नेटवर्क प्रमाणीकरण आणि गुणवत्ता-कार्यप्रदर्शन चाचणी पूर्ण झाल्यानंतर सर्वोत्तम ५ जी अनुभव देण्यासाठी भारतातील आमच्या वाहक भागीदारांसोबत काम करत आहोत.” ५ जी सॉफ्टवेअर अपडेटद्वारे सक्षम केले जाईल आणि डिसेंबरमध्ये आयफोन वापरकर्त्यांसाठी रोलआउट सुरू होईल.
५ जी साठी पात्र असलेले अॅपल आयफोन
अ‌ॅपलच्या iPhone-14 सीरीज, iPhone-13 सीरीज, iPhone-12 सीरीज आणि iPhone-SE (3rd जनरेशन) चे यूजर्स ५ जी फीचर वापरू शकतील. याशिवाय वापरकर्त्यांना ५जी तंत्रज्ञान वापरण्यासाठी रिलायन्स जीओ आणि एअरटेलच्या सेवेची देखील आवश्यकता असेल.
अशा पद्धतीने करा अपडेट
अॅपल बीटा सॉफ्टवेअर प्रोग्राममध्ये प्रवेश करण्यासाठी वापरकर्त्यांना वैध Apple ID आवश्यक असेल. साइन-अप प्रक्रियेदरम्यान, वापरकर्त्यांनी Apple बीटा सॉफ्टवेअर प्रोग्राम करार स्वीकारणे आवश्यक आहे. ५ जी साठी नवीन सॉफ्टवेअर व्यतिरिक्त,अॅपल बीटा सॉफ्टवेअर प्रोग्राम वापरकर्त्यांना प्री-रिलीझ सॉफ्टवेअर वापरण्याची परवानगी देईल. त्यानंतर ही वैशिष्ट्ये इतर सर्व स्थिर ऑपरेटिंग सिस्टम आवृत्त्यांमध्ये आणली गेली आहेत.
अॅपल बीटा सॉफ्टवेअर प्रोग्राम वेबसाइटवर जाऊन साइन अप वर क्लिक करून प्रारंभ करा.
तुमच्या अॅपल आयडीने साइन इन करा.
स्क्रीनच्या शीर्षस्थानी असलेल्या ऑपरेटिंग सिस्टमच्या लिंकवर क्लिक करा.
