एअरटेलच्या ‘या’ दोन ब्रॉडबँड प्लॅन्समध्ये ग्राहकांना पाहता येणार Netflix, इतर फायदे एकदा पाहाच

एअरटेल कंपनी गेले तीन महिने वायरलाइन ग्राहक जोडत आहे. आता तुम्ही एअरटेल एक्सट्रीम फायबरच्या दोन प्लॅन्ससह नेटफ्लिक्स मिळवू शकता. परवडणाऱ्या प्लॅनमध्ये ही सुविधा नक्कीच तुम्हाला मिळू शकणार नाही. नेटफ्लिक्सला मोफत बंडल करणारे प्लॅन मिळवण्यासाठी तुम्हाला पअधिक पैसे मोजावे लागणार आहेत. याबद्दलचे वृत्त telecomtalk ने दिले आहे. चला तर या प्लॅन्सबद्दल जाणून घेऊयात.

हेही वाचा : तुमचे डिटेल्स शेअर करण्यासाठी WhatsApp चे QR कोड फिचर कसे वापरायचे? जाणून घ्या सोप्या स्टेप्स

एअरटेल एक्सट्रीम फायबर : १,४९८ रुपयांचा प्लॅन

एअरटेल एक्सट्रीम फायबरचा १,४९८ रुपयांचा प्लॅन ३०० mbps पर्यंत स्पीड ऑफर करतो. हा प्लॅन वापरकर्त्यांना ३.३ टीबी मासिक डेटा ऑफर करतो. या प्लॅनमध्ये ग्राहकांना अ‍ॅमेझॉन प्राइम, नेटफ्लिक्स बेसिक, डिस्नी + हॉटस्टार, एक्सट्रीम प्रीमियम सेवा, व्हीआयपी सेवा, Apollo 24|7 Circle आणि Wynk Music प्रीमियम असे काही अतिरिक्त फायदे देखील मिळतात. वापरकर्त्यांना या प्लॅनमध्ये कंपनीकडून मोफत लँडलाइन कनेक्शन देखील मिळते. लँडलाईन कनेक्शनसाठी ग्राहकांना इन्स्ट्रुमेंट स्वतंत्रपणे खरेदी करावे लागणार आहे. या प्लॅनच्या किंमतीमध्ये टॅक्सचा समावेश नाही आहे.

एअरटेल एक्सट्रीम फायबर : ३,३९९ रुपयांचा प्लॅन

एअरटेल एक्सट्रीम फायबरच्या ३,९९९ रुपयांच्या प्लॅनमध्ये ग्राहकांना १ Gbps पर्यंत स्पीड (डाउनलोड आणि अपलोड) दोन्ही सह मिळतो. यात तुम्हाला ३.३ टीबी इतका मासिक डेटा कंपनी ऑफर करते. या प्लॅनमध्ये ग्राहकांना अ‍ॅमेझॉन प्राइम, नेटफ्लिक्स बेसिक, डिस्नी + हॉटस्टार, एक्सट्रीम प्रीमियम सेवा, व्हीआयपी सेवा, Apollo 24|7 Circle आणि Wynk Music प्रीमियम असे काही अतिरिक्त फायदे देखील मिळतात. वापरकर्त्यांना या प्लॅनमध्ये कंपनीकडून मोफत लँडलाइन कनेक्शन देखील मिळते. लँडलाईन कनेक्शनसाठी ग्राहकांना इन्स्ट्रुमेंट स्वतंत्रपणे खरेदी करावे लागणार आहे. या प्लॅनच्या किंमतीमध्ये टॅक्सचा देखील समावेश आहे. तुम्ही कंपनीच्या वेबसाइटवरून किंवा कंपनीच्या कोणत्याही जवळच्या रिटेल स्टोअरला भेट देऊन एअरटेल एक्सट्रीम फायबर कनेक्शन मिळवू शकता.