आजच्या काळात भारतीयांचे ओळखपत्र आपले आधार कार्ड बनले आहे. याशिवाय आपली कोणतीच कामे होत नाहीत. अशा वेळी तुमचे आधार कार्ड हरवले तर तुम्ही पॉलिविनाइल क्लोराइड कार्ड (पीव्हीसी) आधारकार्ड देखील बनवू शकता. हे एक प्रकारचे प्लास्टिक कार्ड असते. ज्यावर आधार कार्डची माहिती प्रिंट केली जाते. पण या प्रकरणात, त्याची काळजी घेणे आवश्यक आहे. मात्र, काही वेळा आधारकार्डचा पेपर फाटण्याची भीती असते. म्हणूनच लोक पीव्हीसी आधार कार्ड बनवत आहेत, परंतु या काळात तुमचे पीव्हीसी आधार कोणत्याही सायबर कॅफे किंवा इतर ठिकाणी बनू नये याकडे तुम्हाला लक्ष द्यावे लागेल. अन्यथा तुम्ही अडचणीत येऊ शकता. चला तर मग जाणून घेऊया कोणत्या गोष्टींची खबरदारी घेतली पाहिजे. सायबर कॅफेचे पीव्हीसी कार्ड असल्यास ते अवैध राहणार तुमच्याकडे सायबर कॅफेचे पीव्हीसी कार्ड असल्यास ते अवैध आहे. कारण भारतीय विशिष्ट ओळख प्राधिकरण (UIDAI) ने आधीच स्पष्ट केले आहे की, सायबर कॅफे किंवा इतरत्र बाहेरून बनवलेले पीव्हीसी कार्ड अवैध घोषित केले गेले आहे. असे पीव्हीसी आधार कार्ड वैध राहणार नाही. वास्तविक, सायबर कॅफेमधून बनवलेले पीव्हीसी आधार कार्ड वैध नाही कारण UIDAI नुसार अशा पीव्हीसी आधार कार्डमध्ये सुरक्षा वैशिष्ट्याचा अभाव आहे. हे ही वाचा :Facebook Hack : तुमचं फेसबूक अकाउंट दुसरं कोणी वापरतय का? ‘ही’ ट्रिक वापरून लगेच ओळखा असे कराअशा परिस्थितीत सायबर कॅफेमधून बनवलेले पीव्हीसी आधार कार्ड घेऊ नका हे लक्षात ठेवा. त्याऐवजी, तुम्ही UIDAI च्या अधिकृत वेबसाइटवर जाऊन फक्त ५० रुपयांमध्ये घरबसल्या अस्सल पीव्हीसी आधार कार्ड मिळवू शकता. तुम्हाला प्रथम UIDAI च्या अधिकृत वेबसाइट वर जावे लागेल आणि नंतर ‘माय आधार’ विभागात जाऊन ‘ऑर्डर आधार पीव्हीसी कार्ड’ वर क्लिक करावे लागेल. त्यानंतर तुमचा १२ अंकी आधार क्रमांक आणि कॅप्चा कोड टाका त्यानंतर ‘सेंड ओटीपी’ वर क्लिक करा आणि मोबाइलवर मिळालेला ओटीपी टाका आणि सबमिट करा. प्रिव्यू पाहिल्यानंतर, ऑनलाइन मोडद्वारे ५० रुपये शुल्क भरा. अर्ज केल्यानंतर एका आठवड्यात पीव्हीसी आधार कार्ड तुमच्या घरी पोहोचते.
