5G नेटवर्क रोलआऊटचा वेग वाढल्याने भारतातील Internet Speed मध्ये झाली सुधारणा, जागतिक क्रमवारीत रशियाला टाकले मागे

या अहवालानुसार, एप्रिल २०२३ मध्ये भारतात मोबाइल डेटा स्पीडमध्ये तब्बल ११५ टक्क्यांनी वाढ झाली आहे. या महिन्यामध्ये 36.35 Mbps सरासरी मोबाइल डाउनलोड स्पीडची नोंद ओकलाद्वारे करण्यात आली. मार्चमध्ये इंटरनेटचा स्पीड 33.30 Mbps इतका होता. तसेच मार्च २०२३ मध्ये मेडन फिक्स्ड डाऊनलोड स्पीड हा 50.71 Mbps होता. तो एप्रिलमध्ये वाढून 51.12 Mbps पर्यंत पोहोचला आहे.

भारताने स्थिर ब्रॉडबॅंड गतीमध्ये सुधारणा केल्याचे ओकला अहवाल दर्शवतो. आपला देश या एप्रिलमध्ये यादीमध्ये ८४ व्या क्रमांकावरुन ८३ वर पोहोचला आहे. ओकला स्पीडटेस्ट ग्लोबस इंडेक्सनुसार, ग्लोबल मेडन मोबाइल स्पीडच्या क्रमवारीत कतार हा देश पहिल्या स्थानावर आहे. ग्लोबल फिक्स्ड मेडन स्पीडच्या यादीमध्ये सिंगापूरचा क्रमांक पहिला लागतो. ओकलाद्वारे स्पीडटेस्ट ग्लोबल इंडेक्स दर महिन्याला जगभरातील मोबाइल आणि फिक्स्ड ब्रॉडबँड स्पीड यांची क्रमवारी लावली जाते. यासाठीचा डेटा प्रत्येक महिन्याला स्पीडटेस्ट वापरुन इंटरनेट कार्यक्षमतेच्या चाचण्यांमार्फत मिळवला जातो.

आणखी वाचा – Jioचा सर्वात स्वस्त रिचार्ज प्लॅन, फक्त ७५ रुपयांमध्ये मिळेल अनलिमिडटेड कॉलिंग, डेटा आणि कित्येक फायदे

Vi कंपनी गेल्या वर्षभरात ग्राहक गमावत असल्याचे ओकलाच्या अहवालात दिसून आले. ऑक्टोबर २०२२ मध्ये 5G सेवा लॉन्च केल्यानंतर डिस्कनेक्शनचे प्रमाण वाढत गेले. 5G नेटवर्क लॉन्च करण्यात ऑपरेटर्स असक्षम असल्याने यूजर्स दूर गेल्याची माहिती समोर आली. या कंपनीचे ग्राहक जिओ (१.८८ टक्के) आणि एअरटेल (१.३२ टक्के) यांच्याकडे वळले आहेत. जिओने एअरटेल आणि व्ही इंडिया यांचे जवळपास १.३ टक्के ग्राहक मिळवले आहेत. या तुलनेमध्ये एअरटेलचा जिओच्या ०.५३ टक्के ग्राहकांना आपल्याकडे वळण्यात यश आले आहे. तर व्ही इंडियाकडे जिओ ०.६३ टक्के ग्राहक आले आहेत.