गेल्या अनेक वर्षांमध्ये भारतातील ऑनलाईन शॉपिंगमध्ये मोठय़ा प्रमाणावर वाढ झाली आहे. पूर्वी ऑनलाइन शॉपिंगबाबत एक असुरक्षेची भावना लोकांमध्ये होती. त्यामुळे ऑनलाइन शॉपिंग म्हणजे ‘नको रे बाबा’ असे म्हटले जायचे. त्याचसुमारास पासवर्डची चोरी करून तुमच्या नावे, तुमच्या खात्यातून पैसे वळते केल्याच्या अनेक घटना एकाच वेळेस उघडकीस आल्या होत्या. अर्थात त्यावेळेस भारतातील इंटरनेटच्या वापराचा तो सुरुवातीचा काळ होता. त्यामुळे सायबर कॅफेमध्ये असाल तर तुमच्या सीपीयूला पासवर्ड चोरी करण्याची जोडणी कुणी केलेली नाही ना, याची खातरजमा करा, असे आवर्जून सांगितले जायचे. आता मात्र काळ बदलला आहे. आज एकूणच जीवनामध्ये असलेल्या व्यग्र अवस्थेत साधे वीज बिल किंवा फोन बिल भरण्यासाठी एक दिवस सुट्टी घेणे हे कुणालाही परवडणारे नाही. त्यामुळे बिलभरणा ऑनलाइन होण्यास सुरुवात झाली. त्याचप्रमाणे दुसरीकडे आताच्या तरुण पिढीने ऑनलाइनला आपलेसे केले आहे. सुरुवातीस ऑनलाइनमध्ये झालेले काही गैरव्यवहार उघडकीस आल्यानंतर ऑनलाइनमध्ये चोराला पकडणे सोपे असते, हेही सर्वच संबंधितांना लक्षात आले. त्यामुळे ऑनलाइन व्यवहारांना आता बऱ्यापैकी सुरक्षितता लाभली आहे. या साऱ्याचा परिणाम म्हणजे ऑनलाइन व्यवहारांमध्ये झालेली वाढ. मध्यंतरी इ- बे या भारतातील दुसऱ्या क्रमांकाच्या इ- कॉमर्स संकेतस्थळाने भारतातील एकूण ऑनलाइन प्रचलित बाबींच्या संदर्भात सर्वेक्षण केले. यात अनेक बाबी ठळकपणे लक्षात आल्या. त्याचवेळेस काही गावांनीही यात गंमतीशीर आघाडी उघडल्याचे लक्षात आले. महाराष्ट्राच्या बाबतीत बोलायचे तर जळगाव आणि िदडोरी या दोन ठिकाणांहून उत्तम ऑनलाइन खरेदी होत असल्याचे लक्षात आले आहे. या सर्वेक्षणातील काही महत्त्वाच्या बाबी इ- बेने लोकसत्ता टेक इट साठी खास उपलब्ध करून दिल्या, त्या याप्रमाणे..सर्वाधिक ऑनलाइन खरेदी होणाऱ्या वस्तू१) लॅपटॉप२) पुरुषांची वॉलेटस्३) टॅब्लेटस्४) पुरुषांची मनगटी घडय़ाळे५) मोडेम्सऑनलाइन निर्यातीतील पहिले पाच१) नैसर्गिक हिरे२) फॅशनेबल नेकलेस३) होमिओपथीची औषधे४) साडय़ा५) बगिचाकामासाठीची उपकरणेऑनलाइन आयात होणाऱ्या सर्वाधिक वस्तू१) स्मार्ट फोन२) नैसर्गिक हिरे३) मनगटी घडय़ाळे४) फॅशनेबल नेकलेस५) मोबाईल स्क्रीन प्रोटेक्टर्ससर्वाधिक ऑनलाइन व्यवहार होणारी भारतातील ठिकाणे१) दिल्ली२) मुंबई३) जयपूर४) बेंगळुरू५) चेन्नई६) हैदराबाद७) अहमदाबाद८) कोलकाता९) चंदीगढ१०) पुणेसर्वाधिक ऑनलाइन व्यवहार होणारी राज्ये१) महाराष्ट्र२) दिल्ली३) राजस्थान४) तामिळनाडू५) कर्नाटक६) गुजरात७) आंध्र प्रदेश८) उत्तर प्रदेश९) केरळ१०)हरियाणासर्वाधिक ऑनलाइन व्यवहार होणारे देश(यात कुठेही भारताचा समावेश नाही, हे विशेष. याचाच अर्थ इतरांच्या तुलनेत आजही आपल्याकडे ऑनलाइन व्यवहार कमी होतात)१) अमेरिका२) ब्रिटन३) ऑस्ट्रेलिआ४) चीन५) कॅनडा६) जर्मनी७) फ्रान्स८) रशिया९) हॉंगकाँग१०) इटलीसर्वाधिक ऑनलाइन विक्री होणारे जागतिक ब्रॅण्डस्१) सॅमसंग२) अॅपल३) सोनी४) नोकिया५) सॅनडिस्क६) ब्लॅकबेरी७) कॅनन८) ट्रान्सेन्ड९) मायक्रोमॅक्स१०) निकॉनग्रामीण भारतातून शहरांच्या तुलनेत तसे कमी ऑनलाइन व्यवहार होत असले तरी पुढील तीन तक्त्यांवरून नजर फिरवली तर आपल्याला ग्रामीण भारतही ऑनलाइनमध्ये चांगलीच मुसंडी मारण्याच्या तयारीत असल्याचे लक्षात येईल(महाराष्ट्रीयांच्या दृष्टीने महत्त्वाचे म्हणजे या तीनही तक्त्यांमध्ये महाराष्ट्रातील ज़ळगाव आणि दिंडोरी या दोन भागांचा प्रामुख्याने समावेश आहे) सर्वाधिक ऑनलाइन खरेदी- विक्री व्यवहार होणारी ग्रामीण भारतातील ठिकाणे१) गुंटूर (आंध्रप्रदेश)२) चोऱ्यासी (गुजरात)३) कार्थिकपल्ली (केरळ)४) विल्लुपुरम (तामिळनाडू)५) दिंडोरी (महाराष्ट्र)६) जळगाव (महाराष्ट्र)७) चिरायिन्कूझू (केरळ)८) कुट्टालम (तामिळनाडू)९) कुन्नाथूनाड (केरळ)१० ) कदमा (झारखंड)ग्रामीण भारतातील सर्वाधिक ऑनलाइन निर्यात व्यवहार१) चोऱ्यासी (गुजरात)२) कुट्टालम (तामिळनाडू)३) जुही (उत्तर प्रदेश)४) दिंडोरी (महाराष्ट्र)५) उदूम्बनचोला (केरळ)६) जळगाव (महाराष्ट्र)७) कदम्बागच्छी (पश्चिम बंगाल)८) गाद्रा (राजस्थान)९) मीनाचिल (केरळ)१०) गुंटूर (आंध्रप्रदेश)ग्रामीण भारतातील सर्वाधिक ऑनलाइन आयात व्यवहार१) गुंटूर (आंध्रप्रदेश)२) दिंडोरी (महाराष्ट्र)३) कार्थिकपल्ली (केरळ)४) जळगाव (महाराष्ट्र)५) चोऱ्यासी (गुजरात)६) कुन्नाथूनाड (केरळ)७) चिरायिन्कूझू (केरळ)८) रामपूर (उत्तरप्रदेश)९) मीनाचिल (केरळ)१०) गदग (कर्नाटक)ग्रामीण भारतात सर्वाधिक व्यवहार होणाऱ्या वस्तू १) मोबाईल फोनची कव्हर केस२) मोडेम्स ३) ब्लूटूथ हेडसेटस्४) टॅब्लेटस्ग्रामीण भारतातून होणारे सर्वाधिक ऑनलाइन निर्यात व्यवहार१) नैसर्गिक हिरे२) सलवार कमीझ३) टॅटूज४) सजावटीचे नक्षीदार खडे५) साडय़ाग्रामीण भारतातून होणारे सर्वाधिक ऑनलाइन आयात व्यवहार१) स्मार्टफोन२) मनगटी घडय़ाळे३) जीपीएस होल्डर्स४) सोलार पॅनल्स५) लॅपटॉप्स