व्यावसायिक लेखनासाठी!

आपल्याला डिक्टेशन अर्थात शुद्धलेखन या शब्दाचा परिचय शाळेपासूनच होत असतो. एखाद्या व्यक्तीने सांगितलेला किंवा वाचून दाखवलेला मजकूर दुसऱ्या व्यक्तीने लिहून घेणे म्हणजे डिक्टेशन. डिक्टेशनमुळे श्रवण आणि लेखन कौशल्य तपासून बघण्यासाठी मदत होते. श्रवण कौशल्यात प्रत्येक शब्द योग्यपणे कळणे गरजेचे असते. तर लेखन कौशल्यात विरामचिन्हे योग्य पद्धतीने वापरणे आवश्यक असते. भाषा इंग्रजी असेल तर योग्य ठिकाणी शब्दांची सुरुवात कॅपिटल अक्षराने करणे, शब्दाचे योग्य स्पेिलग लिहिणे. िहदी अथवा मराठी भाषा असल्यास ऱ्हस्व, दीर्घ, जोडाक्षरे, रफार इत्यादींचा योग्य वापर करणे या सर्वाना महत्त्व असते.
दूरदर्शनवर आपण विविध भाषांतील चित्रपट, गाणी, भाषणे बघत असतो. त्या वेळी बरेचदा चित्रपटातील संवाद, गाण्याचे बोल सबटायटलमध्ये दर्शवले जातात. ही सबटायटल्स मूळ त्याच भाषेतील किंवा भाषांतरित केलेली असतात. तसेच इंटरनेटवरदेखील भाषणे, शैक्षणिक टय़ुटोरियल्स उपलब्ध असतात. काही ठिकाणी त्या भाषणांची ट्रान्सस्क्रिप्ट (लिखित स्वरूपातील भाषण) देखील उपलब्ध असते. एखाद्या कार्यक्रमाचे मूळ भाषेतून दुसऱ्या भाषेत भाषांतर करताना मूळ स्क्रिप्ट तुमच्याजवळ असणे गरजेचे असते. अशा प्रकारचे ट्रान्सस्क्रिप्शनचे काम करताना तुमच्या श्रवणकौशल्याची कसोटी लागू शकते. अशा वेळी डिक्टेशनच्या सरावाचा तुम्हाला नक्कीच फायदा होऊ शकतो.
आज हीच कौशल्ये तपासणाऱ्या काही साइट्स आपण पाहणार आहोत.