scorecardresearch

Premium

कल्याण-कसारा दरम्यान तिकीट तपासणीसकडून बोगस रेल्वे कर्मचाऱ्याला अटक

साकेत शर्मा यांच्या जागरुकतेमुळे एक बनावट रेल्वे कर्मचारी पकडल्याने वरिष्ठांनी शर्मा यांचे कौतुक केले.

bogus railway employee arrested by ticket collector
पवन एक्सप्रेसने प्रवास करणाऱ्या रेल्वे प्रवाशाचे बनावट ओळखपत्र.

कल्याण– मुंबई ते हैदराबाद पवन एक्सप्रेसने प्रवास करताना कल्याण ते कसारा रेल्वे स्थानकांच्या दरम्यान मध्य रेल्वेच्या आस्थापनेवरील एका तिकीट तपासणीसाला एका प्रवाशाने मी रेल्वेचा कर्मचारी आहे, असे सांगून तिकीट दाखविण्यास नकार दर्शविला. तपासणीसाने त्या प्रवाशाचे रेल्वे ओळखपत्र तपासले. ते बनावट असल्याचे आढळले. तपासणीने या प्रवाशाला कसारा रेल्वे पोलिसांच्या स्वाधीन केले.

शुक्रवारी हा प्रकार घडला आहे. पोलिसांनी या बनावट रेल्वे कर्मचाऱ्यावर गुन्हा दाखल करुन त्याला अटक केली.

Student organizations protest against Governor Arif Mohammad Khan in Kerala
केरळच्या राज्यपालांचे रस्त्यावरच दोन तास ठाण; ‘एसएफआय’च्या निदर्शनांनंतर केंद्राकडून झेड सुरक्षा
Manoj Jarange Patil demands
आमचा सेनापती इमानदार… लक्षवेधक संदेश चर्चेत
nagpur mahavitaran marathi news, 2 outsourced employees beaten up marathi news
ऊर्जामंत्र्यांच्या शहरात महावितरणच्या दोन बाह्यस्त्रोत कर्मचाऱ्यांची एकाला मारहाण…
bjp women wing president beaten dombivali crime marathi news
डोंबिवलीत व्यापारी गाळ्यावरून भाजप ग्रामीण महिला अध्यक्षा सुहासिनी राणे यांना मारहाण

पुरुषोत्तम विजय सोनावणे (३०) असे या बोगस रेल्वे कर्मचाऱ्याचे नाव आहे. मध्य रेल्वेच्या आस्थापनेवरील वरिष्ठ तिकीट तपासणीस साकेत हरिकृष्ण शर्मा यांनी ही महत्वाची भूमिका बजावली. त्यांना कृष्ण कुमार, सुमीत कुमार, सचीन अहिरे या त्यांच्या सहकाऱ्यांनी सहकार्य केले.

हेही वाचा >>> दोन्ही डॉक्टर लोकांची नस ओळखण्यात अपयशी, आ. प्रमोद पाटील यांची पालिका आयुक्त, खासदारांवर टीका

रेल्वे पोलिसांनी सांगितले, मुंबई ते हैदराबाद पवन एक्सप्रेस शुक्रवारी कल्याण रेल्वे स्थानकातून सुटून कसारा दिशेने धावत होती. या एक्सप्रेसमध्ये मध्य रेल्वेचे तिकीट तपासणीस साकेत शर्मा प्रवाशांची तिकीट तपासणी करत होते. एस-१० डब्यातील प्रवाशांची तिकीट तपासणी करत असताना एका ३० वर्षाच्या प्रवाशाने मी रेल्वेचा कर्मचारी आहे, असे तिकीट तपासणीस शर्मा यांना सांगितले. शर्मा यांनी त्या प्रवाशाला रेल्वेचे ओळखपत्र दाखविण्यास सांगितले. रेल्वेचे ते ओळखपत्र बनावट असल्याचे शर्मा यांच्या निदर्शनास आले.

शर्मा यांनी त्या प्रवाशाची डब्यातच कसून चौकशी केली. तो उडवाउडवीची उत्तरे देऊ लागला. एक प्रवासी बनावट रेल्वे ओळखपत्राचा आधार घेऊन प्रवास करत आहे. हे लक्षात आल्यावर शर्मा यांनी तातडीने ही माहिती कसारा लोहमार्ग पोलिसांना आणि आपल्या वरिष्ठांना दिली.

हा प्रवासी पळून जाण्याचा प्रयत्न करू लागला. तिकीट तपासणीस शर्मा आणि इतर प्रवाशांनी या बोगस प्रवाशाला रोखून धरले. कसारा रेल्वे स्थानक आल्यावर त्याला लोहमार्ग पोलिसांच्या स्वाधीन केले. लोहमार्ग पोलिसांनी या प्रवाशाची चौकशी करुन त्याच्यावर गुन्हा दाखल केला. पुरुषोत्तम सोनवणे हा बोगस रेल्वे कर्मचारी हैदराबाद येथे एका खासगी कंपनीत नोकरी करत असल्याचे पोलिसांच्या तपासात निष्पन्न झाले. साकेत शर्मा यांच्या जागरुकतेमुळे एक बनावट रेल्वे कर्मचारी पकडल्याने वरिष्ठांनी शर्मा यांचे कौतुक केले. मागील काही महिन्यापूर्वी डोंबिवली-दिवा रेल्वे स्थानकांच्या दरम्यान, दिवा, कल्याण रेल्वे स्थानकात रेल्वे तिकीट तपाणीसांनी बनावट तिकीट तपाणीसांना अटक केली आहे. त्यांच्यावर डोंबिवली रेल्वे स्थानकात गुन्हे दाखल आहेत.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Bogus railway employee arrested by ticket collector between kalyan kasara zws

First published on: 11-09-2023 at 11:18 IST

आजचा ई-पेपर : ठाणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×