मेट्रो कामादरम्यान हलगर्जीपणा, सळई थेट वाहनात आरपार शिरली

ठाणे : ठाण्यात मेट्रो चार या मार्गिकेच्या निर्माणाचे काम सुरू आहे. या कामादरम्यान, सुमारे १५ ते २० फुट उंचावरून एक सळई रस्त्यावरुन जाणाऱ्या वाहनात आरपार उभी शिरली. वाहन चालकापासून अवघ्या काही इंच अंतरावर ही सळई पडल्याने वाहन चालक आणि प्रवाशांचा जीव वाचला. परंतु या घटनेमुळे मेट्रोच्या सुरू असलेल्या कामातील हलगर्जी दिसून आली आहे.

आणखी वाचा

कल्याण-डोंबिवलीत ‘होऊ द्या चर्चां’च्या चौक सभा; शिवसेना ‘उबाठा’तर्फे आयोजन

ब्रिटनचे पंतप्रधान ऋषी सुनक यांच्या पत्नी अक्षता मूर्ती यांचा G20 मधून परतताच मोठा निर्णय, ऐकून बसेल आश्चर्याचा धक्का

ट्रक चालकाकडून टोलचे पैसे घेण्यासाठी कर्मचारी चढला चालत्या ट्रकवर; Video पाहून हसू आवरणार नाही…

मुंबईत साचलेल्या कचऱ्याच्या ढिगांची विल्हेवाट लावावी; आदित्य ठाकरे यांचे मुंबई महानगरपालिका आयुक्तांना पत्र

ठाण्यात सध्या मुंबई महानगर प्रदेश विकास प्राधिकरणाकडून (एमएमआरडीए) वडाळा-घाटकोपर- कासारवडवली या मेट्रो चार मार्गिकेच्या निर्माणाचे काम सुरू आहे. त्यानुसार लाल बहादुर शास्त्री मार्गावरही प्राधिकरणाकडून विविध कामे सुरू आहेत. सोमवारी सकाळी या मार्गावरून वाहन चालक जितेंद्र यादव हे भांडुपहून तीन प्रवाशांना घेऊन कोलशेतच्या दिशेने जात होते. त्यांचे वाहन भारत पेट्रोल पंप येथे आले असता सुमारे १५ ते २० फुट उंचावरून एक लोखंडी सळई थेट वाहनात आरपार शिरली. ही सळई वाहन चालकापासून अवघ्या काही इंच अंतरावर पडली. त्यामुळे मोठी दुर्घटना टळली.