कल्याण मध्ये सोनाराची कारागिराकडून फसवणूक

हेही वाचा >>>पुन्हा पाऊस जोमात; मुंबई-ठाण्याला झोडपले ; डोंबिवलीत- दिव्यात सर्वाधिक नोंद

सोमवारी संध्याकाळी मालक नवाब यांनी दुकानात घडविलेले सोन्याचे दागिने, सोन्याची लगड असा ऐवज कामगार हासीवुल शेख याच्या ताब्यात दिला. त्याला तो चिखलेबाग येथील कारखान्यात देण्यास सांगितले. नेहमीच्या विश्वासाने हासीवुल दागिने घेऊन जाईल असे नवाब यांना वाटले. दीड लाख रुपये किमतीचा हा ऐवज आहे.हासीवुल याने कारखान्यात न जाता तो सोन्याचा ऐवज घेऊन फरार झाला. बराच उशीर झाला तरी हासीवुल दुकानात परत येत नाही. नवाब यांनी कारखान्यात संपर्क केला. तेथेही हासीवुल पोहचला नसल्याचे समजले. नवाब यांनी परिसरात शोध घेतला. त्याला संपर्क केला. त्याचा मोबाईल बंद येत होता. शोधाशोध करुनही त्याचा तपास न लागल्याने हासीवुल आपले दागिने घेऊन पळून गेला, याची खात्री पटल्याने नवाब यांनी हासीवुल विरुध्द महात्मा फुले पोलीस ठाण्यात तक्रार केली. पोलिसांनी गुन्हा दाखल करुन हासीवुलचा शोध सुरू केला आहे. तो पश्चिम बंगालला पळून जाण्याची शक्यता असल्याने पोलिसांनी कल्याण रेल्वे स्थानकात पाळत ठेवली आहे.