scorecardresearch

Premium

कल्याणमध्ये वाढत्या घरफोड्यांनी नागरिक हैराण

कल्याण, डोंंबिवलीत बंद घरांचे दरवाजे फोडून, खिडक्यांच्या जाळ्या तोडून घरात प्रवेश करून दिवसा, रात्री चोऱ्या करण्याचे प्रमाण वाढले आहे.

house burglaries in Kalyan
कल्याणमध्ये वाढत्या घरफोड्यांनी नागरिक हैराण (image – pixabay/representational image)

कल्याण – कल्याण, डोंंबिवलीत बंद घरांचे दरवाजे फोडून, खिडक्यांच्या जाळ्या तोडून घरात प्रवेश करून दिवसा, रात्री चोऱ्या करण्याचे प्रमाण वाढले आहे. या वाढत्या चोऱ्यांमुळे नोकरदार वर्ग सर्वाधिक अस्वस्थ आहे. कामानिमित्त घराबाहेर पडल्यावर पाळत ठेऊन असलेले चोरटे घरात चोऱ्या करत आहेत. गेल्या दोन दिवसांत कल्याणमध्ये तीन घरांमध्ये चोऱ्या झाल्या आहेत.

कल्याणमधील बिर्ला महाविद्यालयाजवळील कोकण वसाहतीमध्ये राहणाऱ्या आकाश नागावकर सोमवारी सकाळी घरात झोपले होते. त्यांच्या घराचा दरवाजा उघडा होता. या दरवाजावाटे घरात प्रवेश करून सभागृहातील पिशवीतील मोबाईल, रोख रक्कम असा एकूण ५० हजार रुपयांचा ऐवज चोरट्यांनी चोरून नेला आहे. ही चोरी सिध्दी भिलारे हिने केली असल्याचा संशय आकाश यांनी महात्मा फुले पोलीस ठाण्यात दाखल केलेल्या तक्रारीत व्यक्त केला आहे.

jewellery police pune
पुणे : रिक्षा प्रवासी महिलेचे सात तोळ्यांचे दागिने गहाळ; पाेलिसांच्या प्रयत्नांमुळे दागिन्यांचा शोध
Danger from electric wires on footpaths Inexcusable negligence of the Municipal Corporation after entrusting the work to the contractors navi Mumbai
पदपथांवरील विद्युत तारांमुळे धोका; कंत्राटदारांकडे काम सोपवल्यावर महापालिकेचे अक्षम्य दुर्लक्ष
chunabhatti hindu cemetery in worse condition
मुंबई: चुनाभट्टी स्मशानभूमीची दुरावस्था
Controversy in Ambad
अतिक्रमित प्रार्थनास्थळ हटवल्याने अंबडमध्ये वाद

हेही वाचा – ठाणे : यंदा अपघातांच्या संख्येत वाढ; घोडबंदर, नारपोली, मानपाडा रोड अपघातांची केंद्रे

डोंबिवलीतील भोपर भागातील चंद्रेश ओएसिस सोसायटीत राहणारे हाॅटेल व्यावसायिक ज्ञानेश्वर डोंगरे (३५) सोमवारी सकाळी आपल्या पत्नीसह बाजारात भाजीपाला खरेदीसाठी गेले होते. घराचा दरवाजा बंद होता. पाळत ठेऊन असलेल्या चोरट्याने डोंगरे यांच्या घराचा कडीकोयंडा तोडून घरात प्रवेश केला. स्वयंपाक घरातील कपाटातील तिजोरीत ठेवलेले सोने, चांदीचे दागिने असा एकूण एक लाख ४१ हजार रुपयांचा ऐवज चोरट्यांनी चोरून नेला. घरी आल्यानंतर डोंगरे यांना दरवाजाचे टाळे तोडले असल्याचे दिसले. घरात गेल्यावर त्यांना चोरी झाल्याचे समजले. मानपाडा पोलीस ठाण्यात डोंगरे यांनी तक्रार केली आहे.

हेही वाचा – डोंबिवली पूर्व परिसर फेरीवाला मुक्त, चिमणी गल्ली, फडके रस्ता, रॉथ रस्ता, नेहरू रस्त्यांवर शुकशुकाट

कल्याणमधील भोईवाडा भागातील शकील कुवारी यांच्या बंद घराचा कडीकोयंडा तोडून चोरट्यांनी रोख रक्कम, सोन्याची अंगठी असा एकूण ४४ हजार रुपयांचा ऐवज चोरून नेला आहे. बाजारपेठ पोलीस ठाण्यात याप्रकरणी तक्रार करण्यात आली आहे.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Citizens shocked by increasing house burglaries in kalyan ssb

First published on: 05-12-2023 at 12:59 IST

आजचा ई-पेपर : ठाणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×