ठाण्यात काँग्रेस कार्यकर्त्यांनी कर्नाटक विजयानंतर केला जल्लोष

हेही वाचा >>> वाढत्या तापमानासह दमटपणाने ठाणेकर घामाघूम; तापमान चाळीशीआत, पण दमटपणा चाळीशीपार

अशाचप्रकारे ठाण्यातील काँग्रेस पदाधिकारी आणि कार्यकर्त्यांनी शनिवारी दुपारी जिल्हा  कार्यालय परिसरात ढोल-ताशे वाजवून फटाके फोडून जल्लोष केला. यावेळी ठाणे काँग्रेस अध्यक्ष विक्रांत चव्हाण, शहर काँग्रेस प्रवक्ते सचिन शिंदे, महिला अध्यक्षा वैशाली भोसले यांच्यासह कार्यकर्ते उपस्थित होते. कार्यकर्त्यांनी जोरदार घोषणाबाजी करत विजयाचा आंनद व्यक्त केला. तसेच विक्रांत चव्हाण यांनी पत्रकारांशी संवाद साधून विजयाबाबत प्रतिक्रिया व्यक्त केली. भाजपा सरकारने आपल्या सत्तेचा गैरवापर करून कर्नाटकातील काँग्रेस व विरोधी पक्षनेत्यांवर सुडबुद्दिने विविध कारवाई केली. त्यामुळेच कर्नाटक जनतेने त्यांना त्याची खरी जागा दाखवून दिली.

हेही वाचा >>> ठाणे कारागृह परिसरातील दहा बांधकाम प्रकल्पांना मान्यता; पाच वर्षानंतर झालेल्या स्थायी समितीची बैठकीत निर्णय

पंतप्रधान फक्त मन की बात करीत राहीले, जन की बात मात्र करीत नव्हते. परंतु काँग्रेस नेते राहुल गांधी यांनी कायम जनतेमध्ये जाऊन जन की बात ऐकत होते, त्याचे प्रश्न समजावून घेत होते. भाजपा करित असलेले जातीयवादी विचार कर्नाटक जनतेने उधळून लावले आणि सर्व धर्म समभावचा नारा देणाऱ्या काँग्रेसला साथ दिली, अशी प्रतिक्रिया चव्हाण यांनी दिली.