scorecardresearch

Premium

‘रोटरी क्लब’च्या सदस्यांची खासगी माहिती चोरीला ; कासारवडवली पोलीस ठाण्यात हॅकरविरोधात गुन्हा दाखल

राजकीय, सामाजिक, आर्थिक, सांस्कृतिक आदी क्षेत्रांतील नामवंत ‘रोटरी इंडिया क्लब’ संस्थेचे सदस्य आहेत.

fraud with employee credit card use in kalyan
प्रतिनिधिक छायाचित्र/ लोकसत्ता

ठाणे : रोटरी इंडिया क्लब या संस्थेचे सॉफ्टवेअर हॅक करून सदस्यांची खासगी माहिती चोरी करण्यात आल्याचा प्रकार उघडकीस आला आहे. संस्थेच्या एक लाख सदस्यांचा तपशील उपलब्ध असल्याचा दावा हॅकरने एका संदेशामध्ये केला असून, याप्रकरणी कासारवडवली पोलीस ठाण्यात गुन्हा दाखल करण्यात आला आहे.

राजकीय, सामाजिक, आर्थिक, सांस्कृतिक आदी क्षेत्रांतील नामवंत ‘रोटरी इंडिया क्लब’ संस्थेचे सदस्य आहेत. या संस्थेकडून देशभरात विविध कार्यक्रम राबवले जातात. त्यामुळे संस्थेचे जाळे देशभर पसरले आह़े  या सदस्यांची माहिती आणि त्यांचा इतर तपशील संरक्षित करण्याचे काम ठाण्यातील एका सॉफ्टवेअर कंपनीकडून केले जाते. हॅकरने हे सॉफ्टवेअर हॅक केले आहे.

pune mahavikas aghadi marathi news, pune congress bhavan marathi news, pune mahavikas aghadi melava marathi news,
पुण्यातील महाविकास आघाडीच्या मेळाव्यात तिन्ही पक्षांमधील संबंध अधिक भक्कम करण्यावर भर
farmer protest
शेतकर्‍यांबरोबर चर्चेच्या चौथ्या फेरीत काय ठरले? शेतकऱ्यांसाठी केंद्राची पंचवार्षिक योजना काय आहे?
The black paper released by the Congress on Thursday criticized the bjp
१० वर्षांत ४११ आमदारांची फोडाफोडी; काँग्रेसच्या काळय़ापत्रिकेत भाजपवर टीकास्त्र
Rohit pawar ED inquiry Baramati Agro Ltd Yuva Sangharsh Yatra
‘आवाज उठवणाऱ्या’च्या मागेच चौकशीचे शुक्लकाष्ठ!

या सॉफ्टवेअरमध्ये सदस्यांची खासगी माहिती होती. हॅकरने ही माहिती १९ हजार ९९९ रुपयांना विक्रीसाठी काढली असून, त्यासंदर्भातील ई-मेल आणि व्हॉट्सअ‍ॅप संदेश रोटरी क्लबच्या सदस्यांना प्राप्त झाले आहेत. संस्थेच्या एक लाखाहून अधिक सदस्यांचे मोबाइल क्रमांक, नाव, पत्ता, ई-मेल खाते, त्यांचे व्यवसाय, नोकरीचे ठिकाण, जन्मतारीख, विवाहाची तारीख असा तपशील विकत घेऊ शकता, असे हॅकरच्या या संदेशामध्ये म्हटले आहे.

या घटनेची माहिती संस्थेच्या सदस्यांना मिळाल्यानंतर त्यांनी स्वॉफ्टवेअर कंपनीच्या कर्मचाऱ्यांशी संपर्क साधला. या माहितीच्या चोरीप्रकरणी तसेच त्याचा गैरवापर होण्याची शक्यता असल्याने स्वॉफ्टवेअर कंपनीच्या एका अधिकाऱ्याने दिलेल्या तक्रारीच्या आधारे कासारवडवली पोलीस ठाण्यात गुन्हा दाखल करण्यात आला आहे.

‘रोटरी क्लब’च्या सदस्यांची माहिती हॅक झाली असून, गुन्हा दाखल करण्यात आला आहे. पोलिसांच्या पथकाकडून त्याचा तपास सुरू आहे.

राकेश बाबशेट्टी, वरिष्ठ पोलीस निरीक्षक, कासारवडवली पोलीस ठाणे</strong>

किती जणांना फटका?

देशात ‘रोटरी क्लब’चे सुमारे दीड लाख सदस्य आहेत़  त्यापैकी एक लाख सदस्यांची खासगी माहिती उपलब्ध असल्याचा दावा हॅकरने केल्याने खळबळ उडाली आह़े  मात्र, याबाबत तपास सुरू असून, नेमक्या किती जणांची खासगी माहिती चोरीला गेली, हे तपासांतीच स्पष्ट होईल़

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Cyber hackers stolen personal information of rotary club members zws

First published on: 16-08-2022 at 02:34 IST

आजचा ई-पेपर : ठाणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×