डोंबिवलीत बालभवनमध्ये लाकडी चित्रांच्या प्रदर्शनाला प्रारंभ

रविवारी सकाळी ११ ते रात्री ७.३० पर्यंत हे प्रदर्शन नागरिक, रसिकांना पाहणे आणि या प्रदर्शनातील लाकडी चित्र खरेदीसाठी खुले राहणार आहे. शनिवारी सकाळी डोंबिवलीतील मान्यवर मंडळींच्या उपस्थितीत या चित्र प्रदर्शनाचे उद्घाटन करण्यात आले. ४० हून अधिक लाकडी चित्रांच्या कलाकृती या प्रदर्शनात मांडण्यात आल्या आहेत. चित्रकला आणि आधुनिक तंत्रज्ञान यांची सांगड घालून या कलाकृती लाकडावर तयार करण्यात आल्या आहेत. घर सजविण्यासाठी या चित्र कलाकृती साजेशा आहेत. पहिल्या दिवशी कल्याण, ठाणे, डोंबिवली परिसरातील नागरिकांनी चित्र प्रदर्शनाला चांगला प्रतिसाद मिळाला, असे संयोजक चौबळ यांनी सांगितले. पुण्यानंतर डोंबिवलीत आयोजित केलेले चौबळ यांचे हे दुसरे प्रदर्शन आहे.