बेकायदेशीर बांधकाम पाडणाऱ्या KDMC च्या सहाय्यक आयुक्तांना शिवसेनेच्या माजी नगरसेवकाकडून मारहाण

अधिकाऱ्यांपाठोपाठ माजी नगरसेवक आणि त्यांचे काही सहकारी प्रभाग क्षेत्र कार्यलयामध्ये पोहचले आणि त्यांनी गोंधळ घालत मारहाण केली

Former Shiv Sena corporator booked for assaulting KDMC Officer
हा सारा प्रकार विभागीय कार्यालयासमोर घडला

कल्याणजवळ असलेल्या मोहने परिसरात मंदिराच्या बांधकामावर कारवाई केल्याच्या रागातून माजी नगरसेवकाने कल्याण डोंबिवली महानगरपालिकेचे सहाय्यक आयुक्त राजेश सावंत यांना शिवीगाळ करत मारहाण केल्याची घटना समोर आली आहे. बुधवारी म्हणजेच १७ नोव्हेंबर २०२१ रोजी दुपारच्या सुमारास ही घटना घडली .धक्कादायक बाब म्हणजे प्रभाग क्षेत्र कार्यलयाबाहेरच ही घटना घडली. याप्रकरणी खडकपाडा पोलीस ठाण्यात सहाय्यक आयुक्तांना मारहाण करणारे शिवसेनेचे माजी नगरसेवक मुकुंद कोट यांच्या विरोधात गुन्हा दाखल करण्यात आला आहे.

महानगरपालिकेच्या माध्यमातून होणाऱ्या कारवाईदरम्यान केडीएमसी अधिकारी कर्मचाऱ्यांवर हल्ल्यांची संख्या दिवसोंदिवस वाढत असून कारवाई दरम्यान सुरक्षा देण्यात यावी अशी मागणी आता अधिकारी आणि कर्मचारी वर्गाकडून जोर धरू लागली आहे. कल्याण-डोंबिवली महापालिकेकडून अनधिकृत बांधकामावर कारवाई सुरू आहे. बुधवारी सहाय्यक आयुक्त, अ प्रभाग क्षेत्र अधिकारी राजेश सावंत यांच्या पथकाने  पथक मोहने परिसरात बांधकाम सुरु असलेल्या मंदिराच्या चौथऱ्यावर कारवाई केली.

कारवाईनंतर सावंत व त्याचे पथक कार्यलयात पोहचले. मात्र त्यांच्या पाठोपाठ माजी नगरसेवक मुकुंद कोटदेखील काहीजणांसोबत कार्यालयात आले आणि वाद घालू लागले. मुकुंद यांनी कार्यलयाबाहेर राजेश सावंत यांना गाठत त्यांना मंदिरावर कारवाईबाबत जाब विचारत शिवीगाळ केला. नंतर सावंत यांनी मारहाणही करण्यात आली. मुकुंद कोट यांनी सावंत यांना कानशीलात लगावली.

याप्रकरणी सावंत यांच्या तक्रारीवरून खडकपाडा पोलीस ठाण्यात कोट आणि त्यांच्या सहकाऱ्यांविरोधात सरकारी कामात अडथळा आणल्याप्रकरणी गुन्हा दाखल करण्यात आला असून पोलीस अधिक तपास करत आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ठाणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Former shiv sena corporator booked for assaulting senior kdmc official for demolishing temple foundation in kalyan scsg

Next Story
‘कोरा कागद निळी शाई, आम्ही कोणाला भीत नाही’!
ताज्या बातम्या