डोंबिवली: पावसाळा सुरू झाल्याने नैसर्गिक नाले, ओढे, गटारांचे प्रवाह बंद करून उभारण्यात आलेल्या डोंबिवलीतील भोपर, आयरे, २७ गाव भागातील ग आणि ई प्रभागातील बेकायदा चाळी, जोते पालिकेच्या तोडकाम पथकाने जमीनदोस्त केले. या चाळींमुळे परिसरातील सांडपाण्या्चे प्रवाह बंद झाले होते. त्यामुळे परिसरात दलदल निर्माण झाली होती. पावसाळ्यात हे सांडपाणी तुंंबून आरोग्याचा प्रश्न निर्माण झाला असता. याबाबत पालिकडे नागरिकांनी तक्रारी केल्या होत्या. या तक्रारींची दखल घेऊन ग प्रभागाचे साहाय्यक आयुक्त संजयकुमार कुमावत, ई प्रभागाच्या प्रभारी साहाय्यक आयुक्त हेमा मुंबरकर यांच्या तोडकाम पथकाने ही कारवाई केली. आयरे गाव भागात बेकायदा चाळी उभारणीसाठी बांधलेले १० जोते तोडण्यात आले. दोन बेकायदा चाळी जेसीबीच्या साहाय्याने भुईसपाट करण्यात आल्या. भोपर येथील १५ खोल्यांच्या चाळी, रस्ते अडवून लावलेल्या टपऱ्या तोडण्यात आल्या. आयुक्त डाॅ. इंदूराणी जाखड नालेसफाईच्या दौऱ्यावर असताना त्यांना ही बेकायदा बांधकामे दिसून आली होती. त्यांंच्या आदेशावरून ही कारवाई करण्यात आली.

हेही वाचा : कल्याणमधील ठाकरे गटाच्या नव्या नेमणुका, सामान्य शिवसैनिकांमध्ये नाराजी

Regency Anantam Water Cut Issue
डोंबिवलीतील हाय प्रोफाईल गृहसंकुल प्रकल्पात पाण्याचा खडखडाट, घरं खरेदी केलेल्या लोकांची निराशा
bjp, illegal building
डोंबिवलीतील सागाव येथील बेकायदा इमारत तोडण्यास भाजप पदाधिकाऱ्यांचा अडथळा, उच्च न्यायालयाच्या इमारत तोडण्याच्या आदेशाकडे दुर्लक्ष
illegal building in Navapada area
डोंबिवलीतील नवापाडा भागातील बेकायदा इमारतीवर हातोडा; ह प्रभागातील १० इमारतींवर कारवाईची तक्रारदारांची मागणी
Bees attacked on women who had gone for vatpaurnima in Nive village of Poladpur taluka
रायगडात वटपूजन करताना अघटित घडले… जाणून घ्या काय आहे प्रकार…
ticket reservation centre, Dombivli railway station, central railway
डोंबिवली रेल्वे स्थानकातील स्थलांंतरित आरक्षित तिकिटांचे केंद्र सज्ज
video having fun with the kids under the waterfall suddenly the water level rose and the picture changed shocking video goes viral
लोणावळ्याची घटना ताजी असतानाच आणखी एक VIDEO समोर; काही सेंकदांत घेतलेल्या निर्णयामुळे असा बचावला चिमुकला
thane building
मानवी हक्क आयोगाच्या आदेशावरून कोपरमधील बेकायदा इमारतीवर हातोडा; इमारतीचे खांब न तोडल्याने तक्रारदार नाराज
Vidyaniketan school in Dombivali was closed for the afternoon session due to Heavy traffic
वाहतूक कोंडीमुळे डोंबिवलीतल्या विद्यानिकेतन शाळेला दुपारच्या सत्रात सुट्टी, राजू पाटील म्हणाले, “ही बाब लज्जास्पद”

डोंबिवली पश्चिमेतील ह प्रभागात जुनी डोंबिवलीत प्रकाश गोठे, शंकर ठाकूर यांनी गटार तोडून, सामासिक अंतर न ठेवता फशी हाईट्स, अन्य एक अशा दोन बेकायदा इमारती उभारल्या आहेत. या इमारतींच्या सांंडपाण्याचा त्रास परिसरातील नागरिकांना होत आहे. राहुलनगरमध्ये सुदामा रेसिडेन्सी, रमाकांंत आर्केड या इमारतींलगत गटारे नाहीत. कोपर रेल्वे स्थानकाजवळील शैलेश पाटील यांनी कोंबड्याचा बेकायदा खुराडा सुरू केल्याने परिसरात दुर्गंधीला सुरूवात झाली आहे. ठाकुरवाडीत शाळेच्या आरक्षणावर शिवलिला बेकायदा इमारत उभारण्यात आली आहे. कोपर मधील चरू बामा म्हात्रे शाळेच्या पाठीमागे जुनाट झाडे तोडून बेकायदा इमारतीचे काम सुरू करण्यात आले आहे. कुंभारखाणपाडा खंडोबा मंदिरा जवळ बेकायदा इमारतीचे काम सुरू आहे. गणेशनगरमध्ये रेल्वे मैदानालगत बेकायदा इमारत सुरू आहे. कुंभारखाणपाडा येथे अंजिक्य नारकर यांच्या तोडलेल्या इमारतीचा एक भाग गेल्या महिन्यात पुन्हा उभारण्यात आला आहे. डोंबिवली पूर्वेत फ प्रभागात सुयोग हाॅल गल्लीत आराधना ही सात माळ्याची बेकायदा इमारत निवासयोग्य करण्याच्या हालचाली भूमाफियांनी सुरू केल्या आहेत. त्याची पालिका दखल घेऊन कारवाई करत नसल्याच्या तक्रारी परिसरातील रहिवाशांकडून, तक्रारदारांकडून केल्या जात आहेत.