ठाणे : मुंब्रा बाह्यवळण मार्गावर खडी मशीन रोड परिसरात दरड कोसळल्याची घटना बुधवारी दुपारी उघडकीस आली. या घटनेत जीवतहानी टळली असून घटनेमुळे परिसरातील वाहतूक काहीकाळ मंदावली होती.
मुंब्रा बाह्यवळण मार्गावरून जड-अवजड वाहनांची वाहतूक मोठ्याप्रमाणात होते. या मार्गालगत पारसिक डोंगर आहे. बुधवारी दुपारी मुंब्रा बाह्यवळण मार्गावरील खडी मशीन परिसरात शिळफाटा येथून ठाण्याच्या दिशेने वाहतूक करणाऱ्या मार्गिकेवर दरड कोसळली. त्यामुळे या मार्गावरील वाहतूक काहीकाळ मंदावली होती.
This quiz is AI-generated and for edutainment purposes only.
घटनेची माहिती मिळाल्यानंतर महापालिका आणि पोलिसांचे पथक घटनास्थळी दाखल झाले. सोमवारी रात्रीदेखील दरड कोसळल्याची घटना उघडकीस आली होती. त्यानंतर पुन्हा दरड कोसळल्याने वाहन चालकांच्या सुरक्षेचा प्रश्न ऐरणीवर आला आहे.
