scorecardresearch

Premium

“उपोषण करणं हे आपलं काम नाही, मी उद्या…”; ठाण्यातील उपोषणावर राज ठाकरेंची पहिली प्रतिक्रिया, म्हणाले…

ठाण्यात मनसेचे नेते अविनाश जाधव यांनी टोलप्रश्नावरून बेमुदत उपोषण सुरू केलं. यानंतर उपोषणाच्या चौथ्या दिवशी मनसे प्रमुख राज ठाकरे यांनी ठाण्यात जाऊन अविनाश जाधव यांची भेट घेतली.

Raj Thackeray on Avinash Jadhav hunger strike
ठाण्यातील उपोषणावर राज ठाकरेंची पहिली प्रतिक्रिया दिली. (छायाचित्र – लोकसत्ता ग्राफिक्स टीम)

ठाण्यात मनसेचे नेते अविनाश जाधव यांनी टोलप्रश्नावरून बेमुदत उपोषण सुरू केलं. यानंतर उपोषणाच्या चौथ्या दिवशी मनसे प्रमुख राज ठाकरे यांनी ठाण्यात जाऊन अविनाश जाधव यांची भेट घेतली. तसेच त्यांना उपोषण मागे घेण्यास सांगितलं. यानंतर अविनाश जाधव यांनी उपोषण मागे घेतलं. यावर बोलताना राज ठाकरेंनी उपोषण करणं हे आपलं काम नाही, असं मत व्यक्त केलं. ते रविवारी (८ ऑक्टोबर) ठाण्यात आयोजित पत्रकार परिषदेत बोलत होते.

राज ठाकरे म्हणाले, “मी अविनाश जाधव यांना फोन केला आणि सांगितलं की, असले उपोषण करणं हे आपलं काम नाही. मी उद्या सकाळी येतो. गेल्या अनेक वर्षे टोलसंदर्भात मनसेने अनेक आंदोलनं केली. महाराष्ट्रातील अधिकृत आणि अनधिकृत असे जवळपास ६५-६७ टोलनाके आम्ही बंद केले. त्याचवेळी भाजपा-शिवसेनेचा जाहीरनामा आला होता. त्यात त्यांनी टोलमुक्त महाराष्ट्र करू असं आश्वासन दिलं होतं.”

fm nirmala sitharaman directed regulators to take more stringent steps against fraudulent loan apps
फसव्या ‘लोन ॲप’वर अंकुश; अर्थमंत्री सीतारामन यांचे नियामकांना आणखी कठोर पावले टाकण्याचे निर्देश
tejashwi yadav janvishvas yatra
दहा दिवस अन् ३३ जिल्हे! NDA ला रोखण्यासाठी RJD ची ‘जनविश्वास यात्रा’; तेजस्वी यादव यांना यश येणार का?
Pune Nikhil wagle attack
VIDEO : “हल्लेखोरांनी दगड-काठ्यांनी मारलं, महिलांना लाथा…”, रोहित पवारांनी सांगितलं पुण्यातील ‘त्या’ कार्यक्रमावेळी काय घडलं
conflict between two factions of shiv sena during ambadas danve kolhapur visit
कोल्हापूर: अंबादास दानवे यांच्या कोल्हापूर दौऱ्यात शिवसेनेतील दोन गटातील संघर्ष शिगेला

“टोलमुक्त महाराष्ट्राचं काय झालं”

“टोलमुक्त महाराष्ट्र करू हे त्यांनी २०१४ लाही सांगितलं होतं आणि २०१७ लाही सांगितलं होतं. परंतु पत्रकारांकडे वेळ नसल्याने त्यांनी यांना टोलमुक्त महाराष्ट्राचं काय झालं हे कधी विचारलं नाही. प्रत्येकवेळी कुठेही गेलं की मला प्रश्न विचारला जातो की, टोलच्या आंदोलनाचं काय झालं. मात्र, त्याचे परिणाम अनेकांना दिसत नाहीत,” असं मत राज ठाकरे यांनी व्यक्त केलं.

“विरोधात मतदान झालंच नाही तर त्यांना समजणार कसं?”

राज ठाकरे पुढे म्हणाले, “मला जनतेचे आश्चर्य वाटतं की निवडणुकीच्या काळात थापे मारतात, तुम्हाला पिळ पिळ पिळटतात आणि तुम्हाला त्यांनाच मतदान करायचं आहे. जी लोकं तुमच्याशी खोटं बोलत आहेत, त्यांना कधी कळलंच नाही आपण ज्या गोष्टी करतोय त्या चुकीच्या आहेत, विरोधात मतदान झालंच नाही तर त्यांना समजणार कसं? त्यामुळे दरवेळेला या गोष्टी होतात.”

हेही वाचा : “एकनाथ शिंदेंना मला प्रश्न विचारायचा आहे की…”, टोल दरवाढीसंदर्भात राज ठाकरे संतापले

अविनाश जाधवांना उपोषण मागे घेण्यास सांगितलं

“मी अविनाथ जाधव यांना उपोषण मागे घेण्यास सांगितलं आहे. या लोकांसाठी जीव गमावू नकोस, असं सांगितलंय. कारण एक जीव गेल्याने त्यांना काहीही फरक पडत नाही. यासंदर्भात मी मुख्यमंत्री एकनाथ शिंदे यांना भेटून चर्चा करणार आहे”, असंही ते म्हणाले.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mns chief raj thackeray comment on hunger strike of avinash jadhav in thane over toll issue pbs

First published on: 08-10-2023 at 11:39 IST

आजचा ई-पेपर : ठाणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×