सागर नरेकर, लोकसत्ता

अंबरनाथः कल्याण लोकसभा मतदारसंघात काँग्रेस पक्षाच्या अंबरनाथमधील सात माजी नगरसेवकांनी नुकताच शिवसेनेत प्रवेश करत महाविकास आघाडीला धक्का दिला. त्यामुळे अंबरनाथमध्ये राजकीय वातावरण तापले असतानाच आता अंबरनाथमधील राष्ट्रवादी कॉंग्रेस पक्ष शरद पवार गटाच्या शहराध्यक्षांनी शिवसेनेत प्रवेश झालेल्या माजी नगरसेवक प्रदिप पाटील यांना उघडपणे फलक लावत पुढील राजकीय वाटचालीस शुभेच्छा दिल्या आहेत. त्यामुळे आता शरद पवार गटातील माजी नगरसेवकही शिवसेनेत प्रवेश करतात की काय या चर्चांना उधाण आले आहे. सध्या अंबरनाथ स्थानकाशेजारचे हे फलक सर्वांचे लक्ष वेधून घेत आहे.

Samajwadi Party, Maharashtra,
राज्यात आता समाजवादी पार्टीही स्वबळावर; आगामी विधानसभा निवडणुकांमध्ये ३५ जागा लढविणार
BJP, chandrapur lok sabha seat, bjp faces OBC Voter Loss in chandrapur, sudhir mungantiwar defeat, obc voters, sattakaran article,
चंद्रपूरमध्ये भाजपच्या ओबीसी जनाधाराला ओहोटी
BJP candidate, BJP candidate gain voting from various assembly in Palghar, Palghar lok sabha constiteuncy, bjp Surpasses 2019 Assembly Votes in palghar loksabha, bjp Established Challenges Parties in palgahr, uddhav Thackeray shivesna,
पालघरमध्ये सर्वच पक्षांना पुनर्बांधणीची गरज
Supriya Sule allegation that the oppressors were rejected through ED CBI
ईडी, सीबीआयच्या माध्यमातून दडपशाही करणाऱ्यांना नाकारले! सुप्रिया सुळे यांचा आरोप
Ajit Pawar group MLAs meeting today Mumbai
अजित पवार गटाच्या आमदारांची आज बैठक;आमदार शरद पवार गटात परतण्याच्या चर्चेने अस्वस्थता
Sunil Tatkare, Raigad Lok Sabha,
प्रवाहाच्या विरोधात जाण्याची परंपरा यंदाही रायगडमध्ये कायम
Sunil Tatkare criticism that repolling is demanded for fear of defeat in Beed
बीडमध्ये पराभवाच्या भीतीने फेरमतदानाची मागणी; सुनील तटकरे यांची टीका
Rebel independent candidate Vishal Patil attends Congress social gathering in sangli
काँग्रेसच्या स्नेहमेळाव्यास बंडखोर विशाल पाटलांची हजेरी, उबाठा शिवसेनेकडून आक्षेप

हेही वाचा >>> ठाण्याच्या जागेसाठी भाजपने घेतला उमेदवारी अर्ज

सध्या सुरू असलेल्या सार्वत्रिक निवडणुकांमध्ये विविध पक्षांतून अनेक आजी माजी लोकप्रतिनिधी एका पक्षातून दुसऱ्या पक्षात प्रवेश करत आहेत. कल्याण लोकसभा मतदारसंघही हेच चित्र पहायला मिळते आहे. मात्र सध्याच्या घडीला पक्षप्रवेश फक्त शिवसेना पक्षात होताना दिसतो आहे. काही दिवसांपूर्वी कल्याण लोकसभा मतदारसंघाचे खासदार डॉ. श्रीकांत शिंदे यांच्या प्रयत्नाने अंबरनाथ शहरातील जुने जाणते आणि ज्येष्ठ माजी नगरसेवक प्रदीप पाटील यांनी त्यांच्या सहा माजी नगरसेवकांनी मुख्यमंत्री एकनाथ शिंदे यांच्या उपस्थितीत शिवसेनेत प्रवेश केला. महाविकास आघाडीच्या उमेदवार वैशाली दरेकर राणे यांच्या अर्ज भरण्याच्या दोन दिवसांपूर्वी झालेल्या या प्रवेशामुळे कल्याण लोकसभा मतदारसंघात धक्का बसल्याचे बोलले जात होते. त्यामुळे या प्रवेशामुळे राजकारण तापले. त्यातच मंगळवारी अंबरनाथ रेल्वे स्थानकाबाहेर राष्ट्रवादी कॉंग्रेस पक्ष शरद पवार गटाच्या शहर अध्यक्ष सदाशीव पाटील यांनी एक शुभेच्छा फलक लावला. त्या फलकात कॉंग्रेसमधून शिवसेनेत गेलेल्या प्रदीप पाटील यांना जाहीरपणे शुभेच्छा दिल्या. या फलकामुळे शहरभर चांगलीच चर्चा रंगली. शहरातील कॉंग्रेस आणि राष्ट्रवादी कॉंग्रेसचे हे दोन्ही नेते गेल्या अनेक वर्षांपासून सोबत काम करत आहेत. त्यामुळे त्यांच्यात चांगली मैत्री आहे. त्यातच ‘आमचे परम मित्र प्रदिप पाटील यांनी पुढील राजकीय वाटचालीस हार्दिक शुभेच्छा’, असा मजकूर त्या फलकावर छापला आहे. त्यामुळे या खरच शुभेच्छा आहेत की येत्या काळात राष्ट्रवादी कॉंग्रेस पक्षाच्या या शरद पवार गटालाही गळती लागणार अशा चर्चांना उधाण आले आहे. येत्या काळात ही शक्यताही पूर्ण होऊ शकते असे शिवसेनेचे अनेक पदाधिकारी खासगीत बोलताना दिसत आहेत. त्यामुळे सध्या अंबरनाथमध्ये या फलकाची मोठी चर्चा रंगली आहे.