scorecardresearch

Premium

उद्धव ठाकरेंची गजानन कीर्तिकर-रामदास कदम वादावर पहिली प्रतिक्रिया; “गद्दारांच्या वाटा..”

उद्धव ठाकरे यांनी गजानन कीर्तिकर आणि रामदास कदम वादावर काय म्हटलं आहे?

What Uddhav Thackeray Said?
उद्धव ठाकरे यांनी कदम आणि कीर्तिकर यांच्या वादावर पहिली प्रतिक्रिया दिली आहे. (फोटो-ग्राफिक्स टीम, लोकसत्ता)

मुंबईतल्या उत्तर पश्चिम लोकसभा मतदारसंघावरुन शिवसेना शिंदे गट खासदार गजानन कीर्तिकर आणि रामदास कदम यांच्या आरोप प्रत्यारोप सुरु झाले आहेत. पक्षाच्या पाठीत खंजीर खुपसू नका असं म्हणत रामदास कदम यांनी गजानन कीर्तिकरांवर हल्लाबोल केला. यावर गजानन कीर्तिकरांनी प्रत्युत्तर दिलं आहे. गद्दार रामदास कदमांच्या तोंडी दुसऱ्यांच्या गद्दारीची भाषा हास्यास्पद आहे अशी टीका गजानन कीर्तिकरांनी केली. याबाबत आज उद्धव ठाकरेंना विचारलं असता उद्धव ठाकरेंनी आपल्या शैलीत उत्तर दिलं आहे.

काय म्हणाले उद्धव ठाकरे?

“गद्दारांच्या वाटा गद्दारांना माहीत मी त्यावर काय बोलणार?” असं म्हणत उद्धव ठाकरेंनी या वादावर एका वाक्यात प्रतिक्रिया दिली आणि विषय संपवला आहे. गजानान कीर्तिकर आणि रामदास कदम यांच्या वादाबाबत पत्रकारांनी प्रश्न विचारला होता. त्यावर उद्धव ठाकरेंनी उत्तर दिलं आहे.

maharshi dayanand saraswati marathi article, swami dayanand saraswati marathi news
वेदांमधून बुद्धिप्रामाण्याकडे नेणारे महर्षी दयानंद!
Madhavi Mahajani balasaheb thackeray memory
नोकरी करताना झाला त्रास, बाळासाहेब ठाकरेंना कळालं अन्…; गश्मीर महाजनीच्या आईने सांगितला प्रसंग, म्हणाल्या, “मीनाताईही…”
ramkrishna naik founder of goa hindu association
रामकृष्णबाब!
thane mp shrikant shinde, shrikant shinde on ulhasnagar firing case
“कोण काय म्हणतो यापेक्षा सीसीटिव्ही फुटेजमधून सत्य लोकांसमोर…” खासदार डाॅ. श्रीकांत शिंदे यांची गोळीबार प्रकरणावर पहिली प्रतिक्रिया

रामदास कदम नक्की काय म्हणाले होते?

“गजानन कीर्तिकर हे शिंदे गटात, तर मुलगा ठाकरे गटात आहे. फक्त लोकसभेचा उमेदवारी अर्ज भरून घरी बसू नका. पक्षाशी बेईमानी होणार नाही, याची काळजी घ्या. तुम्हाला विरोध करण्याचं कारण नाही. पण, एकाच कार्यालयात मुलगा आणि वडील बसतात. काय करताय हे सर्व जग पाहतेय. मुलगा ठाकरे गटातून तर तुम्ही शिंदे गटातून अर्ज दाखल कराल. नंतर मुलाला बिनविरोध निवडून द्यायचं, असं कटकारस्थान होता कामा नये. पक्षाच्या पाठीत खंजीर खुपसू नका, ही विनंती आहे,” असं रामदास कदमांनी म्हटलं होतं.

“मला पाडण्यासाठी रामदास कदमांनी प्रयत्न केले”

यावर एक परिपत्रक काढत गजानन कीर्तिकरांनी रामदास कदमांना लक्ष्य केलं आहे. गजानन कीर्तिकर म्हणाले, “रामदास कदम यांच्या गद्दारीचा इतिहास फार मोठा आहे. १९९० साली मी मालाड विधानसभेतून निवडणुकीला उभा होतो, त्याचवेळेला रामदास कदम खेडमधून निवडणूक लढत होते. माझ्या मालाड विधानसभा क्षेत्रातील कांदिवलीमधील सर्व कार्यकर्ते त्यांनी खेडला नेले आणि मला पाडण्यासाठी प्रयत्न केले.” असं कीर्तिकर म्हणाले. त्याबाबत उद्धव ठाकरेंनी एका वाक्यात प्रतिक्रिया दिली आहे.

गद्दांराना धडा शिकवणं ठाणेकरांना माहीत

गद्दारांना धडा शिकवण्यासाठी मी ठाण्यात येण्याची गरज नाही. कारण गद्दारांना धडा कसा शिकवायचा हे ठाणेकरांना माहीत आहे. गद्दारांना धडा शिकवा हा आमच्या आनंद दिघेंचा गुरुमंत्र हा ठाणेकरांनी जोपासला आहे. त्यामुळे ठाण्यात गद्दारी चालणाच नाही असं म्हणत उद्धव ठाकरेंनी एकनाथ शिंदेंनाही टोला लगावला आहे.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Shinde group gajanan kirtikar and ramdas kadam dispute uddhav thackeray first reaction on it scj

First published on: 11-11-2023 at 20:08 IST

आजचा ई-पेपर : ठाणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×