महाराष्ट्राची हास्य जत्रा या मालिकेतील कलाकार शिवाली परब हिचा ‘आयफोन 13’ हा मोबाईल दुचाकीवर आलेल्या दोन चोरट्यांनी हिसकावून नेल्याचा प्रकार काल (रविवार) घडला. याप्रकरणी कोनगाव पोलीस ठाण्यात गुन्हा दाखल करण्यात आला असून पोलीस आरोपींचा शोध घेत आहेत. शिवाली परब ही कल्याण येथे राहते. रविवारी सकाळी मिरारोड येथे चित्रीकरणासाठी जायचे असल्याने, तिने ॲानलाईन रिक्षा बुक केली होती. रिक्षातून प्रवास करत असताना तिची रिक्षा भिवंडीतील पिंपळास फाटा येथे आली. त्याचवेळी मागून दुचाकीवर आलेल्या दोन चोरट्यांनी शिवालीच्या हातातील मोबाईल हिसकावला आणि दोघेही चोरटे दुचाकीवरून पळून गेले. डोंबिवलीत दोन अल्पवयीन मुलांकडून २२ मोबाईल, १० सायकलची चोरी यानंतर शिवालीने कोनगाव पोलीस ठाण्यात तक्रार दाखल केली. याप्रकरणी कोनगाव पोलीस ठाण्यात गुन्हा दाखल करण्यात आला आहे.
