डोंबिवली: भाड्याने घेतलेल्या दुकानातील भिंतीला छिद्र पाडून त्यातून शेजारच्या सराफाच्या दुकानात प्र‌‌‌वेश करून चोरट्यांनी ७५ लाखाचा सोने, चांदीचा ऐवज चोरून नेला. गुरुवारी मध्यरात्री हा प्रकार घडला आहे.

अतिशय नियोजन करून ही चोरी करण्यात आली आहे, असे विष्णुनगर पोलिसांनी सांगितले. पश्चिमेत महात्मा फुले रस्त्यावर रत्न सागर सराफाचे दुकान आहे. दुकानाच्या बाजुला रिकामा असलेला एक गाळा दोन ते तीन तरूणांनी भाड्याने घेतला होता. आपण या ठिकाणी मोमोजचा व्यवसाय करतो, असे ते दाखवत होते. ते मुळचे झारखंड येथील रहिवासी आहेत.

Ram Navami 2024 Sury Tilak Festival
Ram Navami: अयोध्येत प्रभू रामाच्या मूर्तीचा सूर्यतिलक! डोळ्यांचं पारणं फेडणारा सोहळा पाहण्यासाठी भाविकांची गर्दी
Gold price bounced in four hours on Gudi Padwa 2024
गुढी पाडव्याच्या दिवशीच चार तासात सोन्याच्या दरात उसळी; ‘हे’ आहे आजचे विक्रमी दर…
MHADA e-auction shops Mumbai
म्हाडाच्या मुंबईतील १७३ दुकानांचा ई लिलाव लांबणीवर; नोंदणी, अर्जविक्री-स्वीकृती प्रक्रियेला ५ जूनपर्यंत मुदतवाढ
mukhtar ansari death gangster turned politician buried near his parents graves in ghazipur
मुख्तार अन्सारीच्या मृतदेहाचे दफन

हेही वाचा… टिटवाळा लोकलमध्ये प्रथम श्रेणीच्या डब्यात प्रवाशाला मारहाण

गुरुवारी मध्यरात्री या तरूणांनी गाळ्याच्या भिंतीला छिद्र पाडले. त्यामधून ते सराफाच्या दुकानात शिरले. तेथून ११० किलो सोने, चांदीचे दागिने लुटून त्यांनी पोबारा केला. शुक्रवारी सकाळी सराफा दुकानाचे मालक दुकान उघडून दुकानात गेले, तेव्हा त्यांना ऐवज चोरीला गेल्याचे समजले. ही चोरी बाजुला व्यवसाय करत असलेल्या तरूणांंनी केली असल्याचा संशय दुकानादाराने व्यक्त केला आहे. चोरी झाल्यापासून तरूण फरार झाले आहेत.