लोकसत्ता प्रतिनिधी

ठाणे : मुंब्रा शिळफाटा येथील अवजड वाहन चालकांना अडवून त्यांच्याकडून वाहतुक शाखेचा वॉर्डन वसूली करत असल्याचे चित्रीकरण प्रसारित झाल्यानंतर मुंब्रा वाहतुक कक्षाच्या पोलीस निरीक्षकासह ४० अधिकारी आणि कर्मचाऱ्यांची बदली मुख्यालयात करण्यात आली आहे. या कारवाईनंतर इतर सर्वच वाहतुक कक्षातील अधिकाऱ्यांचे धाबे दणाणले आहे. वाहतुक पोलीस दलात पहिल्यांदा इतक्या मोठ्याप्रमाणात कारवाई झाल्याचे बोलले जात आहे.

trees in Mumbai being killed by poison
पूर्व द्रुतगती मार्गावरील ५० झाडांवर विषप्रयोग; पालिका अधिकाऱ्यांच्या तक्रारीनंतर अज्ञात व्यक्तीविरोधात गुन्हा दाखल
High Court orders Municipal Corporation to remove illegal vendors from Hill Road
मुंबई : हिल रोडवरील बेकायदा विक्रेत्यांना हटवा, उच्च न्यायालयाचे महापालिकेला आदेश
retired employees of KEM
केईएममधील सेवानिवृत्त कर्मचाऱ्यांचे ठिय्या आंदोलन
Kaustubh Kalke
बांधकाम व्यवसायिक कौस्तुभ कळके यांच्या अडचणीत वाढ, पूनर्विकास प्रकल्पात फसवणूक केल्याप्रकरणी आणखी दोन गुन्हे

मुंब्रा शिळफाटा येथे काही दिवसांपूर्वीच शिळफाटा उड्डाणपुलाचे लोकार्पण करण्यात आले आहे. शिळफाटा, मुंब्रा, खारेगाव येथील काही भाग, मुंब्रा बाह्यवळण मार्ग, दिवा हा भाग ठाणे वाहतुक नियंत्रण शाखेच्या मुंब्रा वाहतुक कक्षा अंतर्गत येतो. शिळफाटा भागात अवजड वाहन चालकांना अडवून त्यांच्याकडून वसूली केली जात होती. असे चित्रीकरण येथील एका स्थानिक वृत्तवाहिनीमध्ये दोन दिवसांपूर्वी प्रसारित झाले. हे चित्रीकरण सुरू असताना, वसूली करणारा व्यक्ती तेथून पळून गेला.

आणखी वाचा-ठाण्यातील वृद्ध दाम्पत्याच्या हत्येप्रकरणी दोघांना अटक; चोरीच्या उद्देशातून हत्या केल्याचा प्राथमिक अंदाज

हे चित्रीकरण प्रसारित झाल्यानंतर याची दखल आयुक्त आशुतोष डुंबरे यांनी घेतली. त्यानंतर उपायुक्त विनयकुमार राठोड यांनी सर्वच अधिकारी आणि कर्मचाऱ्यांची बदली केली आहे. यामध्ये पोलीस निरीक्षक सुरेश खेडेकर यांच्यासह ४० जणांचा सामावेश आहे. या सर्वांची बदली मुख्यालयात करण्यात आली आहे. ठाणे पोलीस दलातील वाहतुक विभागात पहिल्यांदा इतक्या मोठ्याप्रमाणात कारवाई झाली असल्याचे बोलले जात आहे. मुंब्रा वाहतुक कक्षात आता समाधान चव्हाण यांची तात्पुरती बदली करण्यात आली आहे.