ठाणे : घोडबंदर येथील मानपाडा परिसरातील ठाणे महापालिकेच्या भाडेतत्वावरील योजनेमधील इमारतीत महिनाभरापुर्वी झालेल्या वृद्ध दाम्पत्याच्या हत्येप्रकरणातील दोन आरोपींना चितळसर पोलिसांनी अटक केली आहे. या दोघांना ठाणे न्यायालयाने २० फेब्रुवारीपर्यंत पोलिस कोठडीत ठेवण्याचे आदेश दिले असून या दोघांनी चोरीच्या उद्देशातून ही हत्या केल्याचा प्राथमिक अंदाज पोलिसांनी वर्तविला आहे. निसार अहमद कुतबुद्दीन शेख (२७) आणि रोहित सुरेश उत्तेकर (२६) अशी अटक करण्यात आलेल्या दोघांची नावे आहेत.

हेही वाचा >>> चोर असल्याच्या संशयावरून जमावाने केलेल्या मारहाणीत दोघांचा मृत्यू, अंबरनाथ शहरातील प्रकार, गुन्हा दाखल

Nashik, Fraud, developing place,
नाशिक : जागा विकसित करण्याच्या बहाण्याने फसवणूक, सात जणांचा अटकपूर्व जामीन अर्ज फेटाळला
Pune, Woman, Commits Suicide, Over Property Dispute, Case Registered, Brother, Relatives, police, crime news, marathi news,
पुणे : संपत्तीच्या वादातून महिलेची गळफास घेऊन आत्महत्या; सख्या भावासह नातेवाईकांविरुद्ध गुन्हा
Mukhtar Ansari death
कुख्यात गुंड मुख्तार अन्सारीच्या तुरुंगात मृत्यूनंतर न्यायालयीन चौकशीचे आदेश
The crime branch police demanded a bribe of 10 lakhs crime news
गुन्हे शाखेच्या पोलिसाने मागितली १० लाखांची लाच; काशिमिरा पोलीस ठाण्यात गुन्हा दाखल

हे दोघे मानपाडा येथील ठाणे महापालिकेच्या भाडेतत्वावरील योजनेमधील दोस्ती एम्पेरिया या इमारतीत राहतात. निसार हा सुरक्षारक्षकाचे तर, रोहित हा कळवा येथील महापालिकेच्या छत्रपती शिवाजी महाराज रुग्णालयात वाॅर्डबाॅयचे काम करतो. या दोघांनी त्यांच्याच इमारतीत १४ व्या मजल्यावरील एका सदनिकेत राहणाऱ्या समशेर बहादूर सिंह (६८) आणि मिना समशेर सिंह (६५) या दाम्पत्याची हत्या केल्याचे तपासात उघड झाले आहे. निसार आणि रोहित या दोघांनी सदनिका क्रमांक १६२५ च्या बाथरुमच्या खिडकीतून उतरून १४ व्या मजल्यावरील समशेर सिंह यांच्या घरातील बाथरुममध्ये प्रवेश केला. यानंतर दोघांनी समशेर आणि त्यांची पत्नी मिना यांची गळा दाबून हत्या केली आणि घरातील मोबाईल, सोन्याचे दागिने चोरी करून तेथून पळ काढला. संशयित म्हणून दोघांकडे चौकशी केली असता, त्यांनी हत्येची कबुली दिली. रोहित आणि निसार या दोघांकडून चोरीस गेलेला मोबाईल आणि सोन्याचे दागिने पोलिसांनी जप्त केले आहेत, अशी माहिती पोलिस उपायुक्त अमरसिंह जाधव यांनी दिली.