ठाणे : खोपट भागातील रमाबाई आंबेडकर नगर या परिसरात असलेल्या एका उद्यानामधील झाड जवळील दोन घरावर पडले. या घटनेत दोघेजण जखमी झाले असल्याची माहिती ठाणे महापालिका आपत्ती व्यवस्थापन विभागाकडून देण्यात आली. खोपट भागात रमाबाई आंबेडकर उद्यान आहे. या उद्यानाजवळच काही घरे आहेत. या उद्यानातील एक मोठे झाड रविवारी उद्यानाजवळ असलेल्या दोन घरावर पडले. या घटनेत प्रीतम बाचुटे (२२) यांच्या डोक्याला आणि प्रीती बाचुटे(२५) यांच्या मानेला दुखापत झाली आहे. जिल्हा शासकीय रुग्णालयात या दोघांवर प्राथमिक उपचार करून सोडण्यात आले आहे, अशी माहिती ठाणे महापालिका आपत्ती व्यवस्थापन विभागाकडून देण्यात आली.
