प्रवाशांच्या सतर्कतेमुळे महिलेला जीवदान

पुष्पक एक्स्प्रेसमधून प्रवास करणारी गीता ही  एक्स्प्रेस गाडय़ांमध्ये भीक मागून गुजराण करते. कल्याण पत्रीपुलाजवळ एक्स्प्रेसचा वेग कमी होत असल्याने चालत्या गाडीतून खाली उतरून पुन्हा कल्याण स्थानकाकडे चालत जाण्याचा त्यांचा दिनक्रम होता. मंगळवारी मात्र खाली उतरताना चक्कर आल्याने ती खाली पडली. त्यात तिच्या डोक्याला मार लागला. त्याचवेळी बाजूने मुंबईच्या दिशेने जाणाऱ्या लोकल गाडीतील प्रवाशांनी हा प्रकार पाहिला व गाडी थांबवली. त्यानंतर काही प्रवाशांनी उतरून या महिलेला गाडीत चढवले व डोंबिवली रेल्वे स्थानकातील पोलिसांच्या ताब्यात दिले. त्यामुळे गीताचा जीव वाचला.