ऐकावं ते नवलच : बिझी मुलांशी बोलण्यासाठी वडिलांनी काढला युट्यूब चॅनेल

यावरच उपाय म्हणून अमेरिकेतील एका वडिलांनी एक अनोखी शक्कल लढवली आहे. जस्टीन स्मिथ (जॉय) नाव असलेल्या वडिलांनी आपल्या मुलांशी संवाद साधण्यासाठी यु-ट्यूब चॅनेल सुरु केले आहे. त्याची मुले सतत यु-ट्यूबवर असल्याने त्याने हा उपाय शोधून काढला आहे. त्याने आपल्या चॅनेलला जॉय डॅडीट्यूब असे नावही दिले आहे. ३० मार्च रोजी त्याने आपला पहिला व्हिडिओ पोस्ट केला असून हा चॅनेल सुरु करण्यामागचा उद्देश त्याने यामध्ये सांगितला आहे. पहिल्या व्हिडिओनंतर जॉय यांच्या मित्राने त्यांना हा व्हिडिओ योग्य नसल्याचे सांगितले. त्यानंतर त्यांनी आपल्या दोन मुलींना व्हिडिओच्या फ्रेममध्ये घेऊन त्याचे शूटींग केले आहे.

सध्या मुले इंटरनेटच्या मायाजालात अडकत चालले आहेत. आपण पाहत असलेल्या गोष्टी योग्य आहेत की अयोग्य हे त्यांना कळत नाहीये असे जॉय यांनी सांगितले. त्यामुळे जॉय आपल्या मुलांशी कनेक्ट होण्यासाठी करत असलेले प्रयत्न खऱ्या अर्थाने कौतुकास्पद आहेत असेच म्हणावे लागेल. मात्र त्याच्या या प्रयत्नांचा कितपत प्रयत्न होतो हे पाहणे महत्त्वाचे ठरणार आहे.