27 February 2021

News Flash

Video : सोहळ्यादरम्यानच्या आतिशबाजीनं ‘मिस आफ्रिके’च्या केसांना स्टेजवर लागली आग

तिच्या नावाची घोषणा झाल्यानंतर स्टेजवर मोठी आतिशबाजी करण्यात आली, त्यावेळी ही आग लागली

‘मिस आफ्रिका २०१८’ या सौंदर्यस्पर्धेच्या अंतिम सोहळ्यादरम्यान स्पर्धेची विजेती ठरलेल्या सौंदर्यवतीच्या केसांना आग लागली. या दुर्घटनेत किताब पटकावणारी सौंदर्यवती डॉरकस कँसिंडे थोडक्यात बचावली आहे. या सोहळ्यादरम्यान सुरू असलेल्या आतिशबाजीनं ही आग लागली असल्याची प्राथमिक माहिती मिळत आहे. दरम्यान आयोजकांनी प्रसंगावधानता दाखवत ही आग विझवली आणि तिला स्टेजवरून बाजूला नेलं.

डॉरकस २४ वर्षांची आहे. नायजेरीया येथे पार पडलेल्या मिस आफ्रिका २०१८ सौंदर्यस्पर्धेत तिनं मिस आफ्रिका २०१८ चा किताब पटकावला. तिच्या नावाची घोषणा झाल्यानंतर स्टेजवर मोठी आतिशबाजी करण्यात आली. यावेळी स्टेजवर उभ्या असलेल्या डॉरकसच्या केसांनाही आग लागली. मुकूट परिधान करण्याच्या समारंभावेळी हा प्रकार घडला. सारं काही अगदी अनपेक्षितपणे आणि अवघ्या काही सेकंदात घडलं. स्टेजवर असलेल्या आयोजकांनी प्रसंगावधानता दाखवत ही आग पटकन विझवली.

त्यानंतर डॉरकसला उपचारांसाठी नेण्यात आलं. सुदैवानं ती पुर्णपणे बरी आहे. डॉरकसनं स्वत: सोशल मीडिया अकाऊंटवरून यासंबधीची माहिती दिली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 30, 2018 12:28 pm

Web Title: miss africa 2018 winner hair catches fire during the firework celebration
Next Stories
1 ‘मस्तानी हो गई’ गाण्यावर थिरकल्या अमृता फडणवीस, व्हिडीओ व्हायरल
2 पोलीस ‘ओय’ नाही ‘हाय’ म्हणणार
3 ‘ठाकरे’ ट्रेलरमधील ‘या’ संवादामधून नेटकऱ्यांनी बनवले भन्नाट मीम्स
Just Now!
X