करोना विषाणूचा सामना करण्यासाठी जाहीर करण्यात आलेल्या लॉकडाउनचा फटका क्रीडा जगतालाही बसला. अनेक आजी-माजी खेळाडू या काळात घरात राहून आपल्या परिवारासोबत वेळ घालवत होते. भारताचा माजी क्रिकेटपटू सचिन तेंडुलकरने अनेक महिन्यांनी घराबाहेर पडून आपल्या मित्रांसोबत टेनिस खेळणं पसंत केलं. आपल्या मित्रांसोबत टेनिस खेळतानाचा व्हिडीओ सचिनने आपल्या सोशल मीडियावर पोस्ट करत, थेट रॉजर फेडररला फोरहँड शॉटसाठी टिप्स देतोस का? असं विचारलं. सचिन हा रॉजर फेडररच्या खेळाचा मोठा चाहता आहे. याआधीही विम्बल्डनमध्ये रॉजर फेडररचा सामना पाहण्यासाठी सचिनने हजेरी लावली होती. सोशल मीडियावर दोन्ही खेळाडूंमध्ये अशा प्रकारचं गमतीशीर द्वंद्व रंगण्याची ही पहिलीच वेळ नाहीये. याआधीही सचिनच्या ट्विटला फेडररने उत्तर दिलं होतं. As always, great hand-eye co-ordination. @rogerfederer, let’s exchange notes on cricket and tennis after you win your 9th @Wimbledon title https://t.co/2TNUHGn1zK— Sachin Tendulkar (@sachin_rt) July 10, 2018 why wait? I'm ready to take notes! @sachin_rt https://t.co/UjH5m1wuNT— Roger Federer (@rogerfederer) July 10, 2018 सचिनने पोस्ट केलेल्या व्हिडीओला अद्याप फेडररने उत्तर दिलेलं नसलं तरीही क्रीडाप्रेमी या दोन दिग्गज खेळाडूंमध्ये सोशल मीडियावरचा संवाद कसा रंगतो हे पाहण्यासाठी उत्सुक आहेत.