Video: २५ वर्षांनी शाळेच्या बाकावर पुन्हा बसले मित्र; डोळ्यात पाणी आणेल इतका सुंदर क्षण; शेवट चुकूनही चुकवू नका

ज्ञानेश्वर विद्यालय, वरूड चक्रपान या पेजवर हा मूळ व्हिडीओ शेअर करण्यात आला होता. कॅप्शनवरून लक्षात येते की व्हिडीओमध्ये दिसणारे विद्यार्थी १९९८ – ९९ च्या बॅचचे आहेत, म्हणजेच साधारण २५ वर्षांपूर्वी त्यांनी ही शाळा सोडली असणार. “अशी पाखरे पुन्हा येती आणि स्मृती उजळून जाती.” या प्रसिद्ध काव्यपंक्तींसह हा व्हिडीओ शेअर करण्यात आला होता. व्हिडीओ सुरु होताना साधारण चाळिशीतील काही माणसं शाळेच्या पायऱ्यांवरून वर चढून आपल्या वर्गात येताना दिसतात. वर्गाच्या भिंतीवर ८ वी अ असे लिहिलेलं आहे. नंतर प्रत्येक जण आपल्या त्याच जुन्या बाकावर जाऊन बसतो. सर्वात खास व्यक्तीची एंट्री तर व्हिडिओच्या शेवटी होते, ही व्यक्ती आत येताच हे सगळे विद्यार्थी उभे राहतात. प्रत्येकाच्या चेहऱ्यावरचा न बोलता व्यक्त झालेला आनंद या व्हिडीओची खरी शान ठरत आहे.

Video: अशी पाखरे पुन्हा येती..

हे ही वाचा<< Mumbai Local Mega Block: दिवा स्थानकात उशिरा लोकल आली खरी पण दारं बंदच! संतप्त प्रवाशांनी मग जे केलं.. पाहा Video

हा व्हिडीओ व्हायरल होताच यावर अनेकांनी प्रेमाचा वर्षाव केला आहे. शाळेच्या दिवसांची खूप आठवण येते. खूप छान उपक्रम केला दादा तुम्ही, नशीबवान आहात अशा अनेक कमेंट्स या व्हिडीओखाली पाहायला मिळत आहेत. एका युजरने लिहिलेय की, “शाळेत असताना कधी एकदा मोठे होतोय, कामाला लागतोय आणि गृहपाठापासून सुटका होतेय असं वाटायचं, आज ते सगळं घडताना शाळेच्या बाकावरच शांतता होती, आनंद होता याची जाणीव होतेय”. तब्बल १ लाख ८० हजार लाईक्स असलेल्या हा व्हिडीओ पाहून तुम्हाला तुमच्या शाळेची आठवण आली का? हा व्हिडीओ कसा वाटला हे कमेंट करून नक्की कळवा.