Viral Video: लहान मुलं कधी काय करामत करतील हे कोणीही सांगू शकत नाही. आपण काय करतोय आणि हे केल्यानंतर पुढे काय होईल? याची कल्पना या चिमुरड्या मुलांना नसते. त्यामुळेच अनेकदा आई-वडिलांच्या नकळत ते अशा काही गोष्टी करतात, ज्यामुळे संपूर्ण कुटुंब त्रस्त होते. अनेकदा पालकांचे मुलांकडे दुर्लक्ष झाल्यामुळे त्यांची नजर चुकवून मुलं, असं काहीतरी करतात, ज्यामुळे अनेकदा त्यांना आपला जीवदेखील गमवावा लागतो. आजवर असे व्हिडीओ तुम्ही सोशल मीडियावर पाहिले असतील. आता अशाच प्रकारचा एक व्हिडीओ खूप व्हायरल होतोय.
सोशल मीडियावर कधी काय पाहायला मिळेल ते सांगता येत नाही. सोशल मीडियावरील ट्रेंड सतत विविध गोष्टींमुळे बदलत असतो. कधी थरकाप उडवणारे व्हिडीओ, तर कधी आपले मनोरंजन करणारे व्हिडीओ सातत्याने आपल्या डोळ्यांसमोर येतात. बऱ्याचदा यावर असे काही व्हिडीओ व्हायरल होतात, ज्यात नकळत घडलेल्या गोष्टी आपल्याला पाहायला मिळतात.
या व्हायरल व्हिडीओमध्ये तुम्ही पाहू शकता की, एक महिला तिच्या लहान मुलासह लिफ्टमधून जात असून, यावेळी लिफ्ट सुरू असताना लहान मुलगा लिफ्टचा बंद दरवाजावर जोरजोरात हाताने मारतो. यावेळी महिला मोबाईलमध्ये मग्न होती. बऱ्याच वेळेनंतर महिलेचे लक्ष मुलाकडे जाते. त्यानंतर ती त्याला थांबवते, तेवढ्यात लिफ्टचा दरवाजा उघडतो. परंतु, पुन्हा महिलेचे लक्ष मोबाईलमध्ये असल्याने मुलाचा हात लिफ्टच्या दरवाजामध्ये अडकतो. महिला खूप प्रयत्न करते; परंतु तरीही तिला मुलाचा अडकलेला हात दरवाजातून काढता येत नाही. आईचा हलगर्जीपणा मुलाच्या जीवावर बेततो. सध्या हा व्हिडीओ सोशल मीडियावर खूप व्हायरल होत आहे.
हा व्हिडीओ इन्स्टाग्रामवरील @nashikupdates_24 या अकाउंटवर शेअर करण्यात आला आहे. त्यावर आतापर्यंत दोन दशलक्षांहून अधिक व्ह्युज मिळाल्या असून, त्यावर आतापर्यंत अनेक लाइक्स मिळाल्या आहेत. तसेच यावर अनेक नेटकरी कमेंट्स करताना दिसत आहेत.
पाहा व्हिडीओ:
यावर एकानं लिहिलंय, “हल्लीच्या बायकांना नीट मुलं सांभाळता येत नाही”. तर दुसऱ्यानं लिहिलंय, “काय मूर्ख बाई आहे”. तिसऱ्यानं लिहिलंय, “लिफ्ट, ट्रेन, बस, बाईक, रोड क्रॉसिंग अशा ठिकाणी आपल्या लहान बाळांवर जास्त लक्ष ठेवावं”.
