आदित्य ठाकरेंनी ‘ओळख पुसली’ अन् आलं चर्चांना उधाण

आदित्य ठाकरे यांनी अचानक ट्विटर प्रोफाइलमध्ये बदल कऱण्यामागचं कारण स्पष्ट झालेलं नाही. पण यानिमित्ताने आदित्य ठाकरे सरकारमधून बाहेर पडणार की त्यांना नवीन जबाबदारी दिली जाणार आहे अशी चर्चा सुरु आहे. शिवसेना किंवा आदित्य ठाकरे यांनी याबाबत अद्याप कोणतेही अधिकृत स्पष्टीकरण दिलेलं नाही.

सुशांत सिंह प्रकरणी वारंवार आदित्य ठाकरे यांचं नाव घेतलं जात आहे. विरोधक थेटपणे आदित्य ठाकरेंचं नाव घेणं टाळत असले तरी अप्रत्यक्षपणे वारंवार त्यांच्याकडे बोट दाखवलं जात आहे. आदित्य ठाकरे यांनी जाहीरपणे आपला या प्रकरणाशी काही संबंध नसल्याचं सांगितलं आहे. सोबतच सुशांत सिंह प्रकरणी चौकशी सुरु असलेल्या रिया चक्रवर्तीनेही आपण आदित्य ठाकरेंना ओळखत नसल्याचं स्पष्ट केलं आहे. त्यामुळे आदित्य ठाकरेंनी केलेला बदल कशामुळे आहे हा प्रश्न विचारला जात आहे.

विरोधी पक्षातील नेत्यांबरोबरच सोशल नेटवर्किंगवरही आदित्य ठाकरे यांना सतत लक्ष्य करत विविध आरोप करण्यात आले. मात्र हा घाणेरड्या राजकारणाचा भाग आहे असं म्हणत आदित्य ठाकरेंनी या प्रकरणाशी आपला काहीही संबंध नसल्याचे म्हटले होते.उद्धव ठाकरे यांच्या नेत्वृातील महाविकास आघाडी सरकारमध्ये आदित्य ठाकरे पर्यटन आणि पर्यावरण मंत्री म्हणून काम पाहत आहेत. आदित्य ठाकरे यांच्या ट्विटर प्रोफाईलवर, युवा सेनाचे अध्यक्ष, मुंबई डिस्ट्रिक्ट फुटबाल असोसिएशनचे अध्यक्ष असं लिहण्यात आलं आहे.

आणखी वाचा :

सुशांत सिंह प्रकरणावर आदित्य ठाकरेंची प्रतिक्रिया, म्हणाले….

सुशांत सिंह प्रकरणी आदित्य ठाकरेंवर आरोप करणाऱ्यांना संजय राऊत यांचा इशारा, म्हणाले…